Votimi PRO në LIBE/ Dhurata Hoxha: Hap drejt lëvizjes së lirë!
Ministrja e integrimeve e Kosovës, Dhurata Hoxha, duke komentuar votimin pro liberalizimit të vizave për Kosovën nga komisioni LIBE, thekson se ky është edhe një hap drejt lëvizjes së lirë.
Pas votimit në komision, Dhurata Hoxha, përmes rrjetit socila në Facebook ajo thekson se procesi vazhdon në seancën plenare të Parlamentit Evropian që pritet të mbahet në mesin e shtatorit të këtij viti, pastaj në Këshillin e Ministrave.
“Kosova ka përmbushur të gjitha kushtet që janë kërkuar dhe presim që procesi i vendimmarrjes të përmbyllet brenda këtij viti, megjithatë tashmë çdo gjë është në dorën e institucioneve të BE-së.
Është koha që Kosova të shpërblehet për punën e bërë me plotësimin e të gjitha kritereve dhe qytetarët tanë të lëvizin lirshëm,” theksuan Ministrja e integrimeve e Kosovës, duke shtuar se mirëqenia e qytetarëve tanë është dhe duhet të jetë gjithnjë prioritet yni.
Qytetarët tanë e meritojnë lëvizjen e lirë, tha Ministrja e integrimeve e Kosovës, Dhurata Hoxha, duke i uruar për këtë sukses të përbashkëta ndërsa përfundoi:
“Ju siguroj se do të kemi transparencë dhe informim me kohë për çdo zhvillim për liberalizimin e vizave!”
Ja postimi i plotë:
Të nderuar qytetarë,
Komisioni LIBE sapo votoi pro liberalizimit të vizave për Kosovën. Ky është edhe një hap drejt lëvizjes së lirë, edhe një sukses i përbashkët drejt afrimit me familjen evropiane.
Pas votimit në Komision, procesi vazhdon në seancën plenare të Parlamentit Evropian që pritet të mbahet në mesin e shtatorit të këtij viti, pastaj në Këshillin e Ministrave e tutje.
Kosova ka përmbushur të gjitha kushtet që janë kërkuar dhe presim që procesi i vendimmarrjes të përmbyllet brenda këtij viti, megjithatë tashmë çdo gjë është në dorën e institucioneve të BE-së.
Është koha që Kosova të shpërblehet për punën e bërë me plotësimin e të gjitha kritereve dhe qytetarët tanë të lëvizin lirshëm.
Mirëqenia e qytetarëve tanë është dhe duhet të jetë gjithnjë prioritet yni. Qytetarët tanë e meritojnë lëvizjen e lirë.
Urime për këtë sukses të përbashkët!
Ju siguroj se do të kemi transparencë dhe informim me kohë për çdo zhvillim për liberalizimin e vizave.
