Votohen ministrat e rinj, shoku Gramoz i mohon fjalën Opozitës
Fillimi i seancës së jashtëzakonshme për votimin e dekreteve të Presidentit Ilir Meta për shkarkimin e Zv/kryeministres dhe 6 ministrave, si edhe për emërimin e Zv/kryeministrit dhe 6 ministrave, paralajmëroi një vendim të jashtëzakonshëm tët kryetarit të Parlamentit të Shqipërisë, Gramoz Ruçi.
Përpjekjet e dy kryetarëve të grupeve parlamentare të opozitës, ai i PD, Edmond Spaho dhe ai i LSI, Petrit Vasili, me fillimin e seancës së jashtëzakonshme të zhvillohet me debat, dhe jo të kalohet direkt në votim dështuan, sepse shoku Gramoz nuk kishte urdhër nga Edi Rama që të zhbllokojë jetën parlamentare në Shqipëri.
“Nuk kemi bërë kërkesë për mënyrën e votimit, kemi bërë kërkesë që shqyrtimi i dekreteve të bëhet me debat dhe ne kemi paraqitur listën e forcave për çdo grup parlamentar, kërkojmë të zhvillohet debat. Prandaj njofto që do të zhvillohet debat për shkarkimin dhe emërimin e ministrave,” u shpreh Edomd Spaho në përpjekje për të kthyer normalitetin në Parlament edhe pse ai drejtohet nga një njeri si Gramoz Ruçi.
Pas injorimit të kërkesave të opozitës reagoi edhe kryetari i Partisë Republikane,
Fatmir Mediu, duke e cilësuar të papranueshme mungesën e debatit për dekretimin dhe shkarkimin e ministrave.
“Më vjen keq që duartrokisni kryetarin e grupit tuaj parlamentar kur thotë se parlamenti bën vetëm llogje. Lexoni me kujdes nenin 48 të rregullores së Kuvendit. Nuk ka asnjë nen që ndalon debatin, tashmë debati për qeverisjen është debat publik. Ju doni të ndaloni debatin për qeverinë, vetëm në një Republikë bananesh ndodh kjo. Ne jemi këtu si parlamentarë jo si mbështetës dhe zëdhënës të qeverisë,” tha Mediu.
Pasi Gramoz Ruçi i mohoi opozitës të drejtën e fjalës dhe debatit në seancën e jashtëzakonshme, për dekretimin e shkarkimit dhe emërimit të ministrave, ishte dhe Ish-Presidenti Sali Berisha i cili reagoi ndaj sjelljes së pashembullt të mazhorancës duke theksuar se ky është komunizmi i ri i hajdutëve të Rilindjes, të cilët sot po i heqin të drejtën e fjalës edhe opozitës.
“Ky uzurpon çdo pushtet. Kështu voton ky horr horri që s’ka as nder as dinjitet që nxjerr opozitën jashtë. Qeshni por ditët do tu vijnë një nga një. Kështu votojnë këta që kanë frikë nga hajnat dhe ky është një turp, ky është një faqe e zezë e jotja, por ti je një hiç. Ke frikë ti puçist i ndyrë që merr të gjitha pushtet dhe nxjerr opozitën jashtë.” Por kryetari i Parlamentoi vazhdoi me skenarin e tij, kreu i grupit parlamentar i PS bëri një ndërhyrje banale,dhe duke vendosur të procedohet me votimin e dekreteve dhe të mos ketë debat, u përsërit skenari i votimit të Kryeprokurores, ku opozita e revoltuar iu afrua foltores, ndërhyri garda, votimi vazhdoi ashtu si edhe Ish-Presdenti me fjalën e tij, për tu larguar në fund opozita duke lënë mbrapa atë që Ish-Presidenti e quajti parlament i horrave ku votojnë kriminelët që nxjerrin e opozitën jashtë.
