Votohet Hapja e Dosjeve, kokrrat e komunistave dhe adoleshentët shmangin divorcin Rama-Basha
Riformulimi i dy amendamenteve mundësoi miratimin e Ligjit për Hapjen e Dosjeve të Ish-Sigurimit të Shtetit, nga kokrrat e komunistave dhe adoleshentët në Parlamentin e Shqipërisë, të cilët ndonëse mezi shpëtuan nga gjakderdhja në Komisionin e Ligjeve, sot arritën me plotë sukses të shmangin divorcin e dyshes kriminale të politikës Rama-Basha.
Dhe derisa për deputetët e Lulzim Bashës, Hapja e Dosjeve s’duhet parë vetëm se kush kanë qenë bashkëpunëtorët e sigurimit, por për të parë kush kanë qenë punëtorët, ekzekutorët, ekspertët, drejtues e gardian burgjesh që vdekjen e njerëzve të pafajshëm e kanë patur bukën e gojës së përditshme, pavarësisht teorive të Taulant Ballës, Kryeministri Edi Rama është pak ma konkret dhe nuk e fsheh, merakun e ka tek Dosja e Ilir Metës të cilën ndonëse e bëri publik përmes spiunëve te Autoriteti i Dosjeve, do ta zyrtarizoj kërkimin dhe hapjen e dosjes së Ish-Presidentit me ndryshimin e Ligjit i cili mbron Metën dhe jo vetëm, që janë kontrolluar nga Komisionet Mezini dhe Bezhani:
“Dëshiron ti ta dish kush është shtetasi I.M, mbase është ai ose mbase nuk është ai. Të çlirohemi të gjithë nëse shtetasi I.M nuk është ai që të gjithë i shkon mendja. Pse të mos e hapim. Ndërkohë që ka që në vitin 2015 që pa përjashtim të gjithë viktimat e persekutimit komunist të shkojnë të marrin dosjen e tyre. Dhe ata ka edhe një kufizim që hiqet sot, që kanë të bëjnë me deklasifikimin e dokumenteve sekrete. Pse nuk vjen këtu Partia e Liries dhe Liria e Partisë këtu? Sepse nuk e kanë dashur kurrë hapjen e dosjeve sepse kanë dashur që sa më shumë hije të vijnë vërdallë,” tha Edi Rama apo siç tha drejtuesja e seancës plenare, kryetari i partisë që propozoi Ligjin duke e përfunduar plotë ekzaltim:
Larg qoftë të mësojmë se shtetasin IM e paskemi pasur për 30 vjet. Ministër, kryeministër, president, larg qoftë të jetë ai. Non grata bashke me krahun radikal nuk është këtu në sallë, të gjithë kanë marrë arratinë, sepse sa dëgjojnë fjalën hapje dosjesh marrin arratinë,” tha Kryeministri Edi Rama
Deputetët e Lulzim Bashës të kënaqur me votimin e Hapjes së Dosjeve e kosniderojnë si fillim të një procesi purifikues të kësaj shoqërie, për ta parë se si është gjendja sot.
“Vete une I pari jam kokulur per arritjen per hapjen e dosjeve, sot 31 vite pas renies se sistemit me te tmerrshem dictatorial. Duhet te jemi kokulur para 34 135 të burgosur për arsye politike. 59 009 të internuar. 7 022 prej tyre vdiqën prej trajtimit shtazarak. 984 të vdekur në burgjet e komunizmit. 6027 të ekzekutuar me dhe pa gjyq. 308 persona kanë humbur aftësitë mendore në burgje nga torturat, mbi 4500 të ekzekutuarve me dhe pa gjyq, nuk iu janë gjendur eshtrat ende sot!
Eshte vetem nje detyrim I vonuar I bere pas kaq shume kohesh. Ajo qe ne kemi kerkuar eshte hapje e plote e dosjeve per kedo, nuk eshte simbolizmi I ndarjes nga diktatura, por ai I ndarjes nga tranzicioni. Une besoj se eshte nje detyrim moral, qe mbase historia me vone duhet ten a falenderoje. Hapja e dosjeve s’duhet per te pare vetem se kush kane qene bashkepunetoret por por per te pare kush kane qene punetoret, ekzekutoret, ekspertet, drejtues e gardian burgjesh qe vdekjen e njerezve te pafajshem e kane patur buken e gojes se perditshme.
Ne 2022 vendi I cili kerkon integrimin ne BE duhet ta kishte bere kohe me pare. Eshte fillimi I nje procesi purifikues I kesaj shoqerie, duhet ta shikojme cullak, per ta pare se si eshte gjendja sot,” tha Enkelejd Alibeaj duke përfunduar:
“Eshte litar I shoqerise shqiptare qe nuk e le kete vend te shkoje perpara. Nuk ka asnje lloj triumfalizmi, per ate qe kemi patur mundesi ta bejme por nuk e kemi bere. Na falni shqipetar kudo, ju qe keni vuajtur ne burgjet e diktatures, qe nuk keni gjetur eshtrat, qe menduam kaq vone jo vetem per ju qe keni vuajtur, por edhe per brezat qe do vijne. Ndjesë!”,
Ndërsa Edi Rama para miratimit të këtij Ligji, pak para mesnatës si ço ligj të miratuar nga parlamenti deri më sot hakërrehet mbi opozitën:
“Më i ziu i komunistëve është komunisti antikomunist. Duke dëgjuar disa parafolës që flisnin sikur sapo kishin dalë nga ndonjë kamp internimi, mu kujtua At Zef Pëllumbi, i cili me tha: Padre, do me dit se kush ka bashkëpunuar me ta, dëgjo se kush ulëret më shumë kundër tyre”. Kjo është tmerrësisht e vërtetë. Mjafton të marrësh ulëristësin nr.1 që mungon sepse nuk do të hapen këto dosjet e mbrojtura nga SHIK dhe të kujtosh se sa shumë ka folur me ulërima kundër komunizmit, duke pasur 8 vjet rresht për të hapur dosjet. Dhe nuk e bëri,” tha Kryeministri Edi Rama duke akuzuar edhe me këtë rast propozimin për lustracionin:
Ai lustracioni nuk është asgjë vetëm një manovër për të mos i hapur dosjet. Ai është një akt barbari anti-kushtetuese dhe antieuropiane që është rrëzuar kohë përpara se ta tentonte o pjella antikomuniste e komunizmit. Domethënë Partia e lavdishme Demokratike nga Gjykata e të Drejtave të Njeriut. Ai lustracioni është njësoj si klithmat për të mbrojtur Kosovën.
Ndryshe, me 94 vota për asnjë kundër dhe 1 abstenim, sot Parlamenti i Shqipërisë miratoi Ligjin “Për një ndryshim në ligjin nr.45/2015 “Për të Drejtën e Informimit për dokumentat e Ish-Sigurimit të Shtetit të Republikës Popullore Socialiste të Shqipërisë”, të ndryshuar.
Ky votim erdhi edhe pas përplasjes së këtyre dy palëve në Komisionin e Ligjeve që u ndanë në kokrrat e komunistave dheh adoleshentë, pasi pasardhësit e Enver Hoxhës sot socialistë të Edi Ramësrefuzuan të votojnë amendamentin e Enkelejd Alibeajt i cili propozonte që çdo person të gëzoj të drejtën të njihet me dokumentet e Sigurimit të Shtetit dhe të kërkojë një kopje të tyre në përputhje me ligjin e të drejtës së informimit.
Se cila është përmbajtja e amendamentit të riformuluar, që mundësoi dhe miratimin e këtij Ligji, Kryetarja e Parlamentit Lindita Nikolla tha se publiku do të informohet nëkohën e duhur, e nëse është për ti besuar Taulant Ballës, ai gjatë fjalës së tij parashtroi amendamentin, i cili tha se i bashkangjit atij të propozuar përpara seance nga kryetari i Grupit Parlamentar të PD, Enkelejd Alibeaj, për hapjen e plotë të dosjeve.
“Çdo person gëzon të drejtën të njihet me dokumentet e ish-Sigurimit të Shtetit dhe të kërkojë një kopje të tyre, në përputhje me ligjin ‘Për të drejtën e informimit’, me kusht që kërkuesi të paraqesë të dhëna në kërkesën e tij që mundësojnë lokalizimin e informacioneve. Informacioni jepet vetëm kur angazhimi i nevojshëm për gjetjen dhe vënien në dispozicion të informacionit është në përpjestim të drejtë me interesin e argumentuar të kërkuesit në marrjen e këtij informacioni. Kërkuesi mban përgjegjësi për keqpërdorimin e informacionit të marrë,” u shpreh Taulant Balla gjatë parashtrimit të amendamentit duke lënë sërish në duart e sigurimsit hapjen e dosjeve, pasi vetëm ai e dinë me saktës lokalizimin e informacionit.
Se cili është pazari Rama-Basha, publikut nuk do ti duhet aq shumë kohë, kjo pritet të publikohet në orët në vazhdim!
