Votohet propozimi i SPAK, KLP: Joni Keta, kreu i BKH

Me 11 vota për dhe asnjë kundër, Këshilli i Lartë i Prokurorisë, KLP, zgjodhi sot Joni Ketën, kreun e ri të Byrosë Kombëtare të Hetimit.

Deri tani Joni Keta mbante postin e Zv/Drejtorit të Byrosë dhe u propozua drejtues i saj në një proces që zgjati disa muaj dhe u ndoq edhe nga përfaqësues të Ambasadës amerikane në Tiranë dhe asaj të BE.

Joni Keta u propozua nga Prokuroria e Posaçme, SPAK, duke zëvendësuar kështu Aida Hajnajn pas mandatit të saj pesëvjeçar.

Në garë për drejtimin e strukturës që ndihmon SPAK në hetime ishin 7 kandidatë, përfshirë zyrtarë të lartë policie, por dhe prokurorë: Andi Pogaçe, Artur Beu, Elton Kërluku, Gentian Ndoi, Gentjan Shehaj dhe Gledis Nano.