Vrasësit e Artan Cukut lirohen në Greqi, Krimet e Rënda sot nisin…
Pas pezullimit 13 mujor, sot Gjykata për Krime të Rënda rinisi procesin kundër Bledar Jambellit dhe Kristaq Lecit, ku Jambelli akuzohet si urdhërues i vrasjes së kryekomisar Artan Cukut, ndërsa Leci si ndihmës i tij.
Jambelli dhe Leci janë liruar nga autoritetet greke të cilat rrëzuan kërkesën e Shqipërisë për ekstradim. Në seancën e sotme Gjykata relatoi se përgjatë këtij viti që çështja ishte e pezulluar, policia e Fierit dhe Beratit kanë ushtruar kontrolle në banesat e tyre, pa i gjetur.
Avokati i familjes së Artan Cukut, Neshat Fana, sipas BW, e cilësoi qesharake faktin që policia i kërkon në Shqipëri, kur ata janë liruar në Greqi.
“Kjo është qesharake ju kërkoni në Fier e Ballsh për të pandehurit kur të gjithë e dinë që Jambelli dhe Leci janë liruar nga Greqia,” u shpreh Fana.
