Vrasja e 25-vjeçarit, Shkodra zgjohet me protesta: Policia e Lleshit ta fut plumb mas veshit!

Shkodra sot u zgjua me protesta kundër vrasjes së 25-vjeçarit, Klodian Rasha nga policia. “Ma në fund kena ba shtet, ditën të puth, natën të vret”, “Policia e Lleshit ta fut plumb mas veshit”, “Edvini e do popullin e vet, prandaj e vjedh, prandaj e vret” ishin disa nga pankartat që mbanin protestuesit duke marshuar ndërsa bënin thirrje: “Poshtë komunizmi”, “Rama ik!”

Protesta ishte paqësore deri në momentin sa protestuesit panë makinën e policisë në qendër të qytetit të cilët filluan ta qëllojnë me hurma dhe mjeti u larguar menjëherë.

Por tensione pati edhe në momentin kur protestuesit parakaluar pranë selisë së Partisë Socialiste ku disa minorenë filluan të qëllojnë me gurë, dhe situata u përshkallëzua përkundër përpjekjes së disa të rinjëve që ta ndalojnë goditjen e selisë socialiste.

Ndërhyrja për ndaluar goditjen dhe për të ruajtur natyrën paqësore ishin të kota sepse edhe mungesa e policisë bëri që gjithçka të përfundoi në shkrumb e hi:

Në momentin që erdhi policia gjithçka kishte përfunduar ndërkohë që pjesa më e madhe e protestuesve kishin vazhduar marshimin:

Kur protestuesit vazhduan marshimin drejt Sheshit 2 Prilli u vërejt edhe një përqëndrim i efektifëve të policisë “Shqiponja” ndërsa FNSH u rreshtua tek selia e Partisë Socialiste pa ndërhyrje ndërsa po vazhdonin brohoritjet: “Rama ik!”