Vrasja e avokatit të Shullazit, Berisha: Ja shkaku i vrasjes shtetërore mafioze…
Duke e vlerësuar vrasjen e avokat Ravik Gurrës në Elbasan si një vrasje tipike shtetërore e narkoshtetit, Ish-Presidenti Sali Berisha, thekson se
të dhënat e deri tanishme flasin se avokati Gurra, si penalist i njohur mbronte disa nga bandat më të rrezikshme të partisë së krimit kurse në Elbasan ai ishte avokat i palës kundërshtare të bandës që është një me pushtetin:
“Ai per shkak të detyrës mësoi edhe sekrete të shtetit të mafies, lidhjeve të qeveritarëve me drogën, vrasjet, trafiqet dhe për qeveritarë që ishin peng i lidhjeve të tyre me krimin. Prandaj dhe shkaku i ekzekutimit të tij mafioz shtetëror qëndron me sa duket para së gjithash te sekretet që ai mësoi për shkak të profesionit, të cilat nuk rrezikonin banditët dhe vrasësit ordiner por shefat e tyre në pushtet dhe qeveri,” thekson Ish-Presidenti Sali Berisha përmes rrjetit social Facebook ndërsa pëfundon:
“Duke dënuar me ashpërsinë më të madhe vrasjen shtetërore mafioze për shkak të detyrës, të avokatit Gurra, shtoj se shkaku i vërtet i këtij krimi të shëmtuar fshihet thellë në arkivat e zeza të narkoshtetit të Edvinit.”
Ja postimi i plotë:
Vrasja e avokatit Gurra nje vrasje tipike shteterore e narkoshtit!
Miq, vrasja e avokatit Gurra me te drejte ka tronditur thelle avokatine e vendit dhe opinionin publik te qytetit te Elbasanit ku ai kishte nje reputacion te mire dhe me gjere.
Kam ndjekur me keqardhje dhe trishtim te thelle kete krim te rende te rradhes te narkoshtetit. Me kete rast i shpreh familjes Gurra ngushellimet e mia te ndjera dhe Dhomes se Avokatise te Shqiperise solidaritetin tim njerezor.
Te dhenat e deri tanishme flasin se kemi te bejme me nje vrasje shteterore tipike per narkoshtetin. Avokati Gurra, penalist i njohur mbronte disa nga bandat me te rrezikshme te partise se krimit kurse ne Elbasan ai ishte avokat i pales kundershtare te bandes qe eshte nje me pushtetin.
Keshtu qe ne te dy rastet duket se ai per shkak te detyres mesoi edhe sekrete te shtetit te mafies, lidhjeve te qeveritareve me drogen, vrasjet, trafiqet dhe per qeveritare qe ishin peng i lidhjeve te tyre me krimin. Prandaj dhe shkaku i ekzekutimit te tij mafioz shteteror qendron me sa duket para se gjitha te sekretet qe ai mesoi per shkak te profesionit, te cilat nuk rrezikonin banditet dhe vrasesit ordiner por shefat e tyre ne pushtet dhe qeveri.
Me kete shpjegohet dhe heshtja totale e qeveritareve te te gjitha niveleve per kete krim te shemtuar. Ata heshtin sepse duket se ndjehen te lehtesuar. Avokati per shkak te detyres mesoi ato qe kurre nuk duhej ti dinte per bajlozet e narkoshtetit.
Duke denuar me ashpersine me te madhe vrasjen shteterore mafioze per shkak te detyres te avokatit Gurra, shtoj se shkaku i vertet i ketij krimi te shemtuar fshihet thelle ne arkivat e zeza te narkoshtetit te Edvinit. sb
