“Vrasja e Kaçifas”/ Çështja kalon tek Krimet e Rënda, refuzohet kërkesa e familjarëve…

Çështja e vrasjes se Konstandini Kaçifas nga forcat e Repartit  të Neutralizimit të Elementit të Armatosur, RENEA, i ka kaluar për hetim Prokurorisë së Krimeve të Rënda në Tiranë.

Mësohet se hetimet janë intensifikuar, por ka pasur dhe një përplasje me familjarët e viktimës. Kërkesa e familjarëve që në ekspertizën mjeko­ligjore të ketë dhe një mjek grek është refuzuar, për shkak të kompetencave pasi çështja tashmë ndiqet nga Prokuroria e Krimeve të Rënda Tiranë.

Ndërkohë bëhet e ditur se nuk është gjendur celulari i viktimës që mund të jap detaje dhe informacione të rëndësishme.