Vrasja e Kaçifas/ Deputeti i SYRIZA shuan furtunën e filogrekëve: Imagjinoni një turk në Traki me kallashnikov që ngre flamurin?!
Kanë kaluar dhjetë ditë nga vrasja e Konstandinos Kaçifas nga forcat Renea në Bularat por komentet dhe përdorimi nga politika e kësaj vrasje çdo ditë bëhet edhe më intensiv.
Në këtë vorbull të politikës Rama-Tsipras dalin edhe ata politikanë që e rrespektojnë vendin e tyre. Ish-ministri i Arsimit, deputeti aktual i SYRIZA, Nikos Filis duke folur si një grek që e rrespekton atdheun e tij Greqinë, vrasjen e Kaçifas nuk e projekton në një tokë të huaj, dhe derisa e bënë në atdheun e tijë, ngjarja i rezulton si krim.
I pyetur për ngjarjen, në një intervistë për TV Creta, ai tha se duhet kuptuar drejt që ngjarja ka ndodhur në Shqipërinë e Jugut dhe jo në Vorio Epir.
“Është jugu i Shqipërisë. E them këtë dhe jam i kujdesshëm në atë që them. Është jugu i Shqipërisë dhe jo Vorio Epiri! Janë toka shqiptare, dominon popullsia shqiptare dhe aty jeton edhe minoriteti grek, që
fatkeqësisht është në një masë të vogël për shkak se është larguar. Por kjo është histori tjetër,“ tha ai.
E për ta kuptuar çdo grekfolës mendimin e tij ai e zhvendosi ngjarjen duke e projektuar në tokën greke:
“Nese një person merr kallashnikovin në një vend të huaj dhe ngre flamurin grek! E imagjinoni dot sikur një turk të vijë në Traki me kallashnikov dhe të ngrejë flamurin turk e të qëllojë kundër policisë?! Çfarë do të thonit?!”, tha deputeti SYRIZA, Nikos Filis, duke i dhënë fund edhe furtunës që disa filogrek në tokën shqiptare mundohen ta nxisin në një gotë rakie.
