Vrasja e Pjerin Xhuvanit, lirohet nga burgu Arbër Paplekaj

Arbër Paplekaj, i dënuar për vrasjen e Pjerin Xhuvanit më 21 Prill të 2021 në Elbasan, është liruar me kusht.

Pas shqyrtimit të kërkesës së Arbër Paplekajt, Gjykata e Durrësit vendosi lirimin e tij me kusht.

Ndryshe, Gjykata e Apelit e ka dënuar me 7 vjet burg Arbër Paplekajn për vrasjen e Pjerin Xhuvanit, krim i ndodhur më 21 Prill të 2021 në qytetin e Elbasanit, katër ditë para zgjedhjeve parlamentare.

Ish-efektivi i RENEA ishte dënuar nga Gjykata e Elbasanit me 22 vite burg për akuzën e vrasjes në rrethana cilësuese, por kishte pretenduar se krimin e kishte kryer për vetëmbrojtje.

Ky argument u pranua nga trupa gjykuese, e cila e dënoi Arbër Paplekajn për akuzën “Vrasje e kryer në kushtet e tronditjes së fortë psikike”.

Vendimi i Gjykatës
VENDIMI
1.Pranimin e kërkesës së kërkuesit A.P.
2.Lirimin me kusht të kërkuesit (të dënuarit) A.P, për pjesën e mbetur të pavuajtur prej 6 (gjashtë) muaj e 1 (një) ditë burgim.
3.Në bazë të neneve 61 dhe 64 të Kodit Penal detyrohet kërkuesi A. P.të mbajë kontakt me Shërbimin e Provës Durrës gjatë periudhës prej 6 (gjashtë) muaj e 1 (një) ditë dhe të mos kryejë vepër tjetër penale gjatë periudhës së provës së mësipërme.
4.Bazuar në nenin 60 pika 9 të Kodit Penal detyrohet kërkuesi A. P. të mos shoqërohet me persona të dënuar gjatë periudhës së provës.
5.Urdhërohet lirimi A. P. nga Dhomat e burgimit të I.E.V.P Durrës nëse nuk mbahet i arrestuar apo i dënuar për ndonjë vepër tjetër penale.
6.Një kopje e këtij vendimi i dërgohet Prokuroria pranë Gjykatës së Shkallës së Parë të Juridiksionit të Përgjithshëm Durrës për zbatim.
7.Kundër këtij vendimi mund të bëhet ankim në Gjykatën e Apelit të Juridiksionit të Përgjithshëm Tiranë brenda 15 ditëve nga e nesërmja e komunikimit të vendimit.
U shpall më datë 16.12.2025