Vrasja e Qassem Soleimanit, Gjenerali Michael D Barbero: Më e rëndësishme se ajo e Osama Bin Laden!
Gjenerali amerikan Michael D Barbero në një takim me deputetët dhe ish-deputetët shqiptar tha se vendimi për vrasjen e gjeneralit iranian, Qassem Soleimani ishte shumë i rëndësishëm edhe se vrasja e Osama Bin Laden apo Abu Bakr al-Baghdadi. Qassem Soleimani, sipas gjeneralit amerikan D Barbero ishte shkaktari kryesor i luftës që po zhvillohet në Lindjen e Mesme.
“Kam qenë 4 vjet në Irak, deri më 2011 isha si oficer i gjeneral Petreas, që nga viti 2007 deri në 2008 dhe më pas u riktheva edhe për 17 muaj të tjerë si komandant i NATO-s për të punuar me forcat ushtarake të Irakut. Jam mjaft i informuar me të gjithë aktorët dhe me atë çka Soleimani ka bërë dhe doja të jepja mendimin tim në lidhje me këtë.
Së pari doja t’ju thosha se ky ishte vendim mjaft i rëndësishëm, sulmi për të vrarë Qassem Soleimani. Mendoj se ishte më i rëndësishëm se vrasja e Osama Bin Laden apo vrasja Abu Bakr al-Baghdadi vitin e kaluar,” tha ai.
Soleimani, tha gjenerali amerikan, shkaktoi vdekjen e shumë personave të pafajshëm dhe se pasojat e veprimeve do ti mbajnë vetë.
“Soleimani ishte personi i dytë më i fuqishëm në Iran dhe arkitekti i çdo lloj paqëndrueshmërie që shkaktohej në atë rajon, në Siri, në Liban, Jemen apo Iran, ishin gjurmët e tij. Nuk do të kishte luftime në Jemen, nëse ai nuk do të ofronte ndihmën e tij apo nuk do të jepte urdhra,” tha gjenerali D Barbero ndërsa foli për përvojën kur ai ishte vetë në Irak:
“Ishe e qartë dhe e dukshme që të gjitha sulmet e dhunshme që vinin nga shiitët, ishin të trajnuar, financuar dhe udhëhequr nga ai. Ata zhvillonin armë të veçanta për të sulmuar koalicionet e Amerikës por edhe forca ushtarake që kanë qenë edhe shqiptarë. 700 ushtarakë amerikanë kanë vdekur. E gjithë e kaluara e tij e përcaktoi si një terrorist, të quhej terrorist.”
Jo vetëm sot, por Gjenerali Michael D Barbero tha se Ambasada e SHBA në Bagdada është sulmuar disa herë:
“Kemi pasur shumë sulme prej tij edhe në ambasadën tonë në Bagdad, dhe për këtë arsye ndaj kundërveproi Presidenti Trump. Edhe ne do të kishim bërë të njëjtën gjë, po ta kishim mundësinë por ishte mjaft i zgjuar dhe nuk na e dha këtë mundësi. Meqë ishte një kriminel ndërkombëtar, ishte i përfshirë në mënyrë aktive për të cënuar çdo alet të NATOS, ka shkaktuar vdekjen e shumë personave të pafajshëm në atë rajon për 15 vitet e fundit. Për këtë arsye, ishin veprimet e duhura dhe ne do t’i përballojmë vetë pasojat,” tha gjenerali amerikan Gjenerali amerikan D Barbero i bindur se Aleatët nuk duhet të kërkojnë falje për vrasjen e Soleimanit.
“Ai është kryesori i luftës që po ndodh, trajnonte të gjithë militantët ushtarakë dhe i çonte. Ai ka çuar rreth 18 raketa në bazat tona në Irak, por fatmirësisht nuk ka pasur të lënduar. Irani është i zgjuar do të ketë disa shënjestra të tjera amerikane, apo në vendet tona aleate. Por Amerika duhet të vazhdojë këtë politikë dhe të rrisë presionin në këtë rajon me qëllim që të arrijë edhe ndryshimi. Ka ardhur momenti që partnerët aleatë duhet të qëndrojnë të fortë dhe të mos kërkojnë falje për vrasjen e Soleimanit, ky është momenti që ato të thonë nëse janë pro apo kundër terrorizmit”
