Vrasja e shoferit të Xhafajt/ Rama bënë politikë duke akuzuar opozitën për sulme politike!

I bindur në versionin e policisë, se shoferi i ministrit të tij të Brendshm u vetëvra, Kryeministri Edi Rama e nisi fjalën e tij sot në Korçë duke ngushëlluar familjen e Shkëlzen Qordjes, shoferit të Fatmir Xhafajt.

Nga Korça ku ndodhet për turin e llogaridhënies publike, Rama u shpreh se ndan me familjen keqardhjen se përtej tragjedisë ata nuk gjetën dot qetësinë nga sulmet politike, por vazhdoj duke bërë vetë politikë ndërsa se theksoi se qëllimi i akuzave është ta godasin ministrin e Brendshëm dhe qeverinë.

“Duke përfituar nga rasti për t’i shprehur ngushëllimet familjes së punonjësit të gardës, i cili u nda nga jeta pasi mori një vendim ekstrem dhe befasues për të gjithë ne dhe dua të ndaj me familjen të gjithë ndjenjën më të fortë të keqardhjes për faktin se edhe përtej tragjedisë edhe përtej dhimbjes së pangushëllueshme të një familje për djalin, vëllain, një njeri të shtrenjtë ata nuk mundën të gjejnë së paku qetësinë për të lotuar brenda mureve të shtëpisë së tyre sepse u gjendën në rrebeshin e zi të sulmeve politike për të njëjtat arsye të mosarsyes që e kanë dominuar për kaq shumë kohë politikën tonë dhe që vazhdojnë ta dominojnë padashur fare ta dinë për respekt, për të vërtetën jo e jo por për njerëzit e thjeshtë në kulmin e një momenti dhimbje.”

Për Edi Ramën, akuzat dhe deklaratat e opozitës, janë një agresion brutal dhe i neveritshëm.

“Agresioni brutal ndaj djalit që u nda nga jeta përfshirja e tij në një skenar fantazie makabër për të goditur ministrin e Brendshëm, për të goditur qeverinë vërtetë që nuk ka fjalë për t’u komentuar. Është i neveritshëm, është i turpshëm”, u shpreh Rama.

Ndryshe, Partia Demokratike ka akuzuar Gardën e Republikës, Policinë dhe Ministrinë e Brendshme se po fshehin ngjarjen e rëndë të ndodhur brenda Gardës, që PD e vlerësoi si një vrasje mafioze.