Vrasja në Bllok, Ervin Mata dorëzohet në polici

Biznesmeni i shpallur në kërkim për ngjarjen në Ish-Bllok, Ervin Mata, përfundoi në pranga.

Dhe siç ndodhë zakonisht me policinë e Edi Ramës, edhe ky kriminel nuk u arrestua por u vetëdorëzua përmes kanaleve okulte në Policinë e Tiranës.

Ndryshe, Ervin Mata është në kërkim prej rreth 4 muajsh, pasi ishte përfshi në konfliktin me armë në 5 tetor në një lokal në Bllok, ku mbeti i vrarë një person dhe u plagosën dy të tjerë, ndër të cilët edhe Ervis Martinaj.

Ndonëse në fillim kishte dyshime se konflikti erdhi si pasojë e një ngacmimi që i ishte bërë të fejuarës së Matës, këngëtares së njohur Elvana Gjata, hetimet vazhduan edhe për motive që kishin të bënin për prishje të pazareve të drogës. Për momentin edhe nuk dihen kushtet pse Ervin Mata ka vendosur ti dorëzohet drejtësisë.