Vrasja në burg, arrestohet drejtori dhe 11 zyrtarë të IEVP Peqin

Një ditë pas ngjarjes së rëndë në burgun e Peqinit ku mbeti i vrarë një i burgosur dhe një tjetër u plagos, Policia e Elbasanit bënë të ditur se është shoqëruar Drejtori i këtij burgu, Kamber Hoxha, dhe 11 zyrtarë të burgut, nën akuzën e shpërdorimit të detyrës.

“Nga oficerët e Policisë Gjyqësore të Drejtorisë Vendore të Policisë Elbasan u ekzekutua urdhri i prokurorit, për kryerjen e arrestimit në flagrancë për veprat penale “Vrasja në rrethana të tjera cilësuese”, “Mbajtja pa leje dhe prodhimi i armëve, armëve shpërthyese dhe i municionit” dhe “Futja ose mbajtja e sendeve të ndaluara në institucionin e ekzekutimit të vendimeve me burgim”, të shtetasit Sokol Mjacaj, 28 vjeç,” thuhet në njoftimin e policisë ndërsa u ekzekutua urdhri i prokurorit, për ndalimin për veprën penale “Shpërdorimi i detyrës”, të shtetasve:

“Kamber Hoxha, 59 vjeç, banues në Tiranë, me detyrë Drejtor i IEVP Peqin; Qani Muça, 60 vjeç, banues në Elbasan, me detyrë shef i Policisë së IEVP Peqin; Nikolin Gjonpalaj, 54 vjeç, banues në Tiranë, ish-shef i Policisë së IEVP Peqin; Vilson Shima, 37 vjeç, banues në Tiranë, me detyrë shef regjimi në IEVP Peqin;
Arben Dulellari, 52 vjeç, banues në Tiranë, me detyrë specialist i informacionit në sallën operative të IEVP Peqin; Fatos Pire, 46 vjeç, banues në Peqin, polic shërbimi i IEVP Peqin; Ilir Balla, 43 vjeç, banues në Lushnje, polic shërbimi i IEVP Peqin; Florenc Mile, 50 vjeç, banues në Belsh, polic shërbimi i IEVP Peqin;
-Genci Muça, 49 vjeç, banues në Lushnjë, punonjës policie i IEVP Peqin; Indrit Dubali, 44 vjeç, banues në Peqin, punonjës policie i IEVP Peqin; Klement Haka, 36 vjeç, banues në Belsh, punonjës policie i IEVP Peqin; Erjon Çilaj, 41 vjeç, banues në Peqin, punonjës policie i IEVP Peqin.”

Në vijim të veprimeve procedurale u sekuestrua arma e zjarrit e përdorur në ngjarje, si dhe prova të tjera materiale që do t’i shërbejnë hetimit, si dhe për të zbardhur dhe dokumentuar ligjërisht rrethanat e kësaj ngjarjeje, thekson Policia e Elbasanit përmes një njoftimi.

Ndryshe, dje në burgun e sigurisë së lartë në Peqin, Sokol Mjacaj vrau me armë zjarri, Arben Lleshin dhe plagosi Indrit Shaqjan, të tre këta të burgosur që vuanin dënimin me burgim të përjetshëm në burgun e Peqinit, si dhe kanosi me këtë armë, punonjësit e shërbimit në këtë burg.

Njoftim:

Në lidhje me ngjarjen e ndodhur dje, në IEVP Peqin, ku shtetasi Sokol Mjaçaj vrau me armë zjarri, shtetasin Arben Lleshi, plagosi shtetasin Indrit Shaqja (të tre këta shtetas vuanin dënimin me burgim të përjetshëm në IEVP Peqin), i cili është aktualisht në kujdesin e mjekëve, si dhe kanosi me këtë armë, punonjësit e shërbimit në këtë IEVP, ju informojmë se:

Nga oficerët e Policisë Gjyqësore të Drejtorisë Vendore të Policisë Elbasan u ekzekutua urdhri i prokurorit, për kryerjen e arrestimit në flagrancë për veprat penale “Vrasja në rrethana të tjera cilësuese”, “Mbajtja pa leje dhe prodhimi i armëve, armëve shpërthyese dhe i municionit” dhe “Futja ose mbajtja e sendeve të ndaluara në institucionin e ekzekutimit të vendimeve me burgim”, të shtetasit Sokol Mjaçaj, 28 vjeç.

Gjithashtu, specialistët për Hetimin e Krimeve kundër Personit, në bashkëpunim me ata të Shërbimit të Kontrollit të Brendshëm të Sistemit të Burgjeve, ekzekutuan urdhrin e prokurorit, për ndalimin për veprën penale “Shpërdorimi i detyrës”, të shtetasve:

-Kamber Hoxha, 59 vjeç, banues në Tiranë, me detyrë Drejtor i IEVP Peqin;
-Qani Muça, 60 vjeç, banues në Elbasan, me detyrë shef i Policisë së IEVP Peqin;
-Nikolin Gjonpalaj, 54 vjeç, banues në Tiranë, ish-shef i Policisë së IEVP Peqin;
-Vilson Shima, 37 vjeç, banues në Tiranë, me detyrë shef regjimi në IEVP Peqin;
-Arben Dulellari, 52 vjeç, banues në Tiranë, me detyrë specialist i informacionit në sallën operative të IEVP Peqin;
-Fatos Pire, 46 vjeç, banues në Peqin, polic shërbimi i IEVP Peqin;
-Ilir Balla, 43 vjeç, banues në Lushnje, polic shërbimi i IEVP Peqin;
-Florenc Mile, 50 vjeç, banues në Belsh, polic shërbimi i IEVP Peqin;
-Genci Muça, 49 vjeç, banues në Lushnjë, punonjës policie i IEVP Peqin;
-Indrit Dubali, 44 vjeç, banues në Peqin, punonjës policie i IEVP Peqin;
-Klement Haka, 36 vjeç, banues në Belsh, punonjës policie i IEVP Peqin;
-Erjon Çilaj, 41 vjeç, banues në Peqin, punonjës policie i IEVP Peqin.

Në vijim të veprimeve procedurale u sekuestrua arma e zjarrit e përdorur në ngjarje, si dhe prova të tjera materiale që do t’i shërbejnë hetimit. Në drejtimin e Prokurorisë pranë Gjykatës së Shkallës së Parë të Juridiksionit të Përgjithshëm Elbasan, vijojnë hetime intensive për të individualizuar përgjegjësinë penale të shtetasve të ndaluar, si dhe për të zbardhur dhe dokumentuar ligjërisht rrethanat e kësaj ngjarjeje.

Materialet procedurale i kaluan Prokurorisë, për veprime të mëtejshme.