Vrasjet e Shullazit dhe Lul Berishës, Yuri Kim: Ky nuk është hetimi i parë nga SPAK, as i fundit!

Pas zbardhjes nga SPAK të dy atentateve mafioze të ndodhura para 15 vitesh të Klodian Saliut dhe Vajdin Lamajt dhe lëshimin e 6 urdhër-arresteve, si dhe masës së caktuar “arrest në burg” nga GJKOK, ka reaguar Ambasadorja e SHBA në Tiranë, Yuri Kim, duke theksuar se ky nuk është hetimi i parë nga SPAK, dhe nuk do të jetë i fundit.

“SPAK ka marrë përsipër një rast tjetër të madh të krimit të organizuar dhe korrupsionit. Ky nuk është hetimi i parë nga SPAK, dhe nuk do të jetë i fundit,” tha Ambasadorja Yuri Kim në reagimin e saj përmes rrjetit social Twitter duke përfunduar:

“Shpresojmë që SPAK do të vazhdojë të demonstrojë forcën, integritetin dhe aftësinë e tij përmes veprimeve të tilla.”

Ndryshe, Lulzim Berisha, Plarent Dervishaj, Indrit Taulla, Luftar Reci, akuzohen për vrasjen e Klodian Saliut, të njejtët akuzohen edhe për vrasjen e biznesmenit Vajdin Lamaj dhe mikut të tij Artan Arsi, ashtu si dhe Emiljano Shullazi dhe Viktor Ymeri.