Vrerëfiksja e Edi Ramës, Meloni: Pika e pritjes në Shëngjin dhe kampi në Gjadër, gati më 1 Gusht!

Pasi u pa që pika e pritjes së emigrantëve afrikanë në Shëngjin nuk është ndërtuar ashtu si dhe kampi në Gjadër, ishte e qartë se qëllimi i vizitës së Kryeministres së Italisë, Georgia Meloni, ishte fikja e gjithë vrerit që filloi të vjellë që nga dita e djeshme Edi Rama, kundër medias dhe gazetarëve italianë duke konfirmuar se çfarë qeverie të pistë drejton Kryeministri i Shqipërisë!

Meloni filloi rrëfenjën me Edi Ramën dhe Shqipërinë në shënjestër të një fushate denigruese, foli dhe për opozitën italiane që këtë kamp e pagëzoi Guantanamo ndërsa bëri të ditur se punimet do të përfundojnë më 1 gusht, si në ndërtimin e kampit në Gjadër ashtu dhe pikës së pritjes në Shëngjin.

“E lumtur që jam këtu dhe kam rastin të takoj kryeministrin Rama që pati mundësinë të verifikonte situatën ku ndodhen punimet.

Vendet tona janë dy vende mike, vende që historikisht kanë bashkëpunuar dhe doja ta falënderoja edhe popullin shqiptar për mundësinë dhe ndihmën që na dhanë që të realizonim këtë marrëveshje. Shpresoj të ketë shembull edhe për BE. Përsëris afërsinë mes dy vende, për sulmet që i janë bërë Ramës dhe qeverisë së tij. Qeveria shqiptare nuk ka bërë asgjë veçse na ndihmoi. Ishte një fushatë denigruese ndaj qeverisë shqiptare. Nuk  është hera e parë që Rama e Shqipëria i ofrojnë bashkëpunim Italisë,” tha Meloni duke kujtuar ndihmën e qeverisë shqiptare në rastin e Covidit dhe sot Rama, tha ajo, etiketohet kriminel.

“Dua të falënderoj qeverinë Rama që me kurajo na ndihmoi me 30 mjekë për rastin e COVID. Kryeministri Rama u falënderua për këtë gjë. Një nga gazetarët e quajti këtë përrallë e bukur e kryeministrit Shqiptar. Ndërsa sot kryeministri Rama quhet një kriminel, pasi vendosi që të bashkëpunonte me vendin tonë si me vendet e tjera të BE. Italianët e kuptojnë dhe i janë mirënjohës popullit shqiptar. Kur erdha verën e kaluar në Shqipëri dhe pata rastin që të diskutoj me zotin Rama për këtë marrëveshje, morëm parasysh disa kushte, fenomene.

Vendet e BE nuk e përballojnë dot të vetme emigracionin e paligjshëm. Ndaj duhet dhe ndihma e partnerëve tanë. Arritëm në realizimin e kësaj marrëveshje që bazohet te lufta e trafikut ndaj qenieve njerëzore dhe ndaj emigracionit të paligjshëm. Nëpërmjet kësaj marrëveshje Shqipëria ka vënë në depoziton disa territore të saj, zona e Shëngjinit dhe ajo e Gjadrit. Unë mendova dhe dëshirova fort që të shndërrohej si model dhe për vendet e tjera. Edhe disa javë më parë, 15 vende të BE nënshkruan dhe i nënshkruan një apel KiE që të ndjekin shembullin e marrëveshjes me Shqipërinë.”

Në fund, ajo bëri të ditur se kur do të përfundojnë punimet:

“Rendi publik brenda perimetrit të qendrave do të garantohet nga autoritetet italiane. Të dy qendrat do të jenë operative që nga 1 gushti.
Të gjitha ata që kanë ngritur pikëpyetje në lidhje me datën e ngritjen e këtyre qendrave, sikur do të ndërtonim një qendër si Guantanamo.
Këtu gjërat do të funksionojnë dhe duhet të funksionojnë.
Marrëveshja mund të diskutohet edhe nga vende të tjera, mund të jetë edhe pjesë e zgjidhjes së BE, e kuptojmë ne dhe mbështetësit e emigracionit të paligjshëm,” u shpreh kryeministrja Meloni duke bërë të ditur edhe kostot e ndërtimeve të këtyre dy qendrave.

“Transporti do të kryhet nga anijet e Marinës Italiane, dhe ministria e Brendshme ka shpallur gjithashtu dhe një garë sa i përket shpenzimeve të transportit që arrin në vlerën 13.5mln euro. Edhe përsa i përket situatës në detin e Kuq, apo Mesdhe, do të shohim dhe trajtimin e këtyre emigrantëve nga anijet e Marinës Italiane. Kemi 334 mln euro në vit që përbëjnë 7.5% të trajtimit të emigrantëve në territor. Këto burime nuk duhet të konsiderohen si shërbime shtesë.

Këtë vit kemi arritur një ulje prej 60% të emigrantëve që kanë mbërritur në brigjet italiane. Ne nuk po bëjmë kosto, por investim. Me kapacitetin e këtyre qendrave, të atyre emigrantëve që nuk priten në Itali, do të kursejmë 136 mln euro. Ne jemi të kënaqur që dhe në përfundim të punimeve, do të doja të falënderoja kryeministrin Rama dhe ministrat e tij. Do të doja të falënderoja dhe ministrat e mi, apo dhe Forcat e Xhenios dhe ambasadorin tonë në Tiranë. Dua një falënderim të ndjerë për të gjithë ata që kanë punuar për këtë marrëveshje.”

Kryeministren italiane, Giorgia Meloni e cila pesë ditë më parë tha në Itali se nuk mund të qëndroj pranë të majtës as në Itali, as në Europë, as kudo dhe sot takon Kryeministrin e Shqipërisë, Edi Rama, që drejton të majtën me bijat dhe bijtë e atyre që drejtuan diktaturën e Enver Hoxhës, që janë shumë më ekstremistë se baballarët, nuk është se besoi njeri në Shëngjin, por, trajtimi që iu bë deputetit të opozitës italiane, Riccardo Maggi.

“Bëtë viktimat për një orë pa iu përgjigjur asnjë pyetje se si do të funksionojë kjo qendër. Ju po bëni fushatë. Badigardët tuaj s’po më lejojnë e po më dhunojnë. Nëse kjo i ndodh një deputeti, imagjinoni se çfarë mund t’i ndodhë një emigranti,” tha deputeti i “Piu Europa”, Riccardo Maggi, duke hedhur poshtë gjithë demagogjinë e kryeministres Giorgia Meloni e cila përveç gazetarëve nuk i dha përgjigje as deputetit italian të cilit me badigardët për fyti i tha se do ti përgjigjet në Parlamenti e Italisë.