Vriten 22 ushtarë turq në Idlib, Turqia e hap rrugën për refugjatët sirianë në Evropë

Gjatë një sulmi ajror nga forcat e regjimit të Sirisë në Idlib, janë vrarë të paktën 22 ushtarë turq ndërsa kanë mbetur të plagosur rëndë disa prej tyre, tha guvernatori i provincës Hatay, Rahmi Dogan. Ndërkohë raportime tjera theksojnë se numri i të vdekurve është më i madh, raporton BBC.

Presidenti turk, Recep Tayyip Erdogan, ka mbajtur një takim me organet larta të sigurisë pas sulmit ndërkohë që forcat siriane po tentojnë të rimarrin Idlibin nga rebelët që janë të përkrahur nga ushtarët turq.

Erdogani dëshiron që forcat siriane të tërhiqen nga pozicionet ku Turqia ka vendosur pika ushtarake observimi si dhe ka kërcënuar po ashtu se do t’i sulmojë edhe forcat qeveritare siriane nëse nuk ndalen së avancuari.

Luftimet kanë bërë që gati 1 milion sirianë të ikin nga shtëpitë e tyre që nga dhjetori. OKB-ja tha se një betejë e shkallës së gjerë për Idlibin do të mund të rezultonte në “gjakderdhje”.

Por Rusia ka refuzuar thirrjet e Këshillit të Sigurimit në OKB për një armëpushim humanitar në Sirinë veriore. Duke iu përgjigjur një deklarate nga Belgjika dhe Rusia se vrasja e civilëve duhet të ndalojë, ambasadori rus tha se zgjidhja e vetme ishte ndjekja e, siç i quajti ai, terroristëve nga vendi.

Ministria e mbrojtjes ruse sot akuzoi Turqinë për shkelje të marrëveshjes për paqe në Idlib duke i mbështetur rebelët me sulme artilerie.

Një zyrtar i lartë turk tha për Agjencinë e lajmeve Reutersit se vendi i tij ka vendosur që të mos i ndalojë më refugjatët sirianë që të mbërrijnë në Evropë përmes tokës a detit. Sipas zyrtarit, i cili nuk është identifikuar nga Reuters, policia turke, roja bregdetare dhe zyrtarë të sigurisë kufitare, janë urdhëruar që mos intervenojnë