Vriten tre ushtarë turq

Tre ushtarë turq u vranë në një përleshje me militantët kurdë në Turqinë juglindore, afër kufijve me Sirinë dhe Irakun, tha sot Zyra e Guvernatorit lokal.

Tre militantë nga Partia e paligjshme e Punëtorëve të Kurdistanit, PKK, u neutralizuan në luftime, u tha më tutje në njoftim raporton RFE.

Ushtarët po ruanin sigurinë për kompaninë shtetërore të energjisë, pranë qytetit Silopi në Sirnak kur shpërtheu përleshja.

Militantët ishin vëzhguar më parë nga një dron, në të njëjtën zonë, deklaruan autoritetet.

PKK, e shpallur organizatë terroriste nga Turqia, Shtetet e Bashkuara dhe Bashkimi Evropian, filloi një kryengritje kundër shtetit turk më 1984. Më shumë se 40.000 njerëz janë vrarë në konflikt.