Vritet një serb në Johanesburg, ja emri…

Serbi 46 vjeçar D.K. është vrarë pas një atentati në paralagjen e Johanesburgut, Randburg. Ai ka mbetur i vdekur pasi makina e tij është goditur me 30 plumba, ndërsa bashkëshortja e tij dhe një shtetas tjetër serb që ishin në makinën e tij, mbetën të plagosur.

Mediat lokale bëjnë të ditur se viktima ishte në makinë e tij të tipit BMW kur i është prerë rruga nga një makinë e tipit “mercedes” ngjyrë të bardhë në të cilin ishin tre persona. Ata kanë ndalur makinën dhe kanë hapur zjarr. Me këtë rast D.K ishte në timon kur u vra.

Në fotot e ekspertizës nga vendi i ngjarjes shihet makina e goditur nga 30 plumba ku të paktën katër plumba janë në xhamin nga ana e shoferit, që ishin dhe fatale për D.K.

Disa kilometra larg vendit ku u krye atentati është gjetur makina e krimit të cilës i ishte  vënë flaka.

Hetimet vazhdojnë ndërkohë policia lokale i ka bërë thirrje të gjithë atyre që  kanë ndonjë informacion, të bashkëpunojnë për zbardhjen e rastit.