Vuçiç anulon Paradën e krenarisë në Beograd: Duhet të merremi me ushqimin dhe thatësirën!
Presidenti i Serbisë, Aleksandar Vuçiç tha sot se Parada e krenarisë në Beograd, e paralajmëruar për muajin shtator, “anulohet ose shtyhet”, por i menjëhershëm ishte reagimi i organizatorëve që e mohojnë anulimin e këtij aktiviteti.
Vuçiç tha se nuk është i lumtur për këtë vendim por është e domosdoshme sepse Europride nuk mund të zhvillohet në situatën politike në të cilën ndodhet Serbia.
“Këtë nuk e them se jam shumë i lumtur se nuk ka paradë. Kërcënojmë të drejtën e pakicës, por shteti është nën presion me të gjitha problemet e mundshme, duhet të merremi me ushqimin dhe thatësirën, problemet energjetike. Thjeshtë, në një moment nuk mund të arrini të gjitha. Do të ketë në një kohë tjetër,” tha Vuçiç duke shtuar se Europride nuk do të zhvillohet për shkak të krizës së rëndë në Kosovë ndërsa vlerësoi se kjo krizë nuk do të ndalojë të paktën deri më 31 Tetor.
Organizatorët: Parada nuk do të anulohet
Mirëpo organizatorët e Pride në Beograd i kanë ftuar të interesuarit që më 17 shtator të mblidhen para Parlamentit të Serbisë sepse manifestimi nuk është anuluar.
Shefi i Beograd Pride, Marko Mihailoviç tha se shteti nuk mund ta anuloj Europride, por vetëm mund të bëjë përpjekje që ta ndaloj.
“Shteti, EuroPride nuk mund ta anuloj, mundet vetëm të bëjë përpjekje që ta ndaloj, që do të ishte shkelje e qartë e Kushtetutës dhe vendimit të Gjykatës Kushtetuese që ndalimet e Pride nga vitet 2011, 2012, 2013 i ka shpallur antikushtetuese,” thekson Mihailoviç përmes rrjetit social Twitter duke përfunduar:
Država EuroPride ne može da otkaže – može samo da proba da ga zabrani, što bi bilo jasno kršenje Ustava kao i presuda ustavnog suda koje zabrane Prajda iz 2011,12,13. god. proglašavaju neustavnim.
— Marko Mihailović (@PalpFiksn) August 27, 2022
Prajd se održava po planu 17.09. u 17h ispred Narodne Skupštine!
??️???
“Pride do të mbahet sipas planit, më 17 Shtator në orën 17:00 para Parlamentit të Serbisë!”
