Vuçiç e mbështet përcaktimin e kufirit me Kosovën!

Presidenti i Serbisë, Aleksandar Vuçiç, tha se pajtohet për përcaktimin e kufirit me Kosovën duke theksuar se kjo do të ishte absolutisht gjëja më e shëndetshme për Serbinë dhe serbët.

Një referendum në këtë temë do të thirret nëse ai do të ketë diçka për t’i ofruar popullit, tha për TV Prva, megjithatë ende nuk ka një propozim konkret.

“Unë jam për përcaktimin e kufirit dhe për këtë nuk turpërohem, por serbët janë kundër kësaj, dhe unë e kam kuptuar porosinë e popullit. Ne, nuk jemi të gatshëm të dëgjojmë të vërtetën për Kosovës, edhe kur të gjithë e dinë atë. Njerëzit nuk dëshirojnë ta pranojnë sepse kjo prek emocionet e tyre.”

Duke folur për seancën e ardhshme të Këshillit të Sigurimit të OKB-së, për gjendjen në Kosovë, Vuçiç tha se seancat e KS OKB janë gjithmonë të rëndësishme për çështjen e statusit, raporton RFE, por ai vlerësoi se samiti i Parisit në fillim të korrikut, i organizuar nga presidenti i Francës, Emmanuel Macron dhe kancelarja gjermane, Angela Merkel është shumë i rëndësishëm, megjithatë, tha ai, nuk është e sigurtë nëse ai do të mbahet.