Vuçiç e ndjek këmba-këmbës, Putin porositë të rinjtë rus të mos e ndjekin shembullin e tij!

Presidenti i Serbisë, Aleksandar Vuçiç, modelin e vetëm të udhëheqjes së shtetit e ka Presidentin e Rusisë, Vladimir Putin, model të cilin e ndjek këmba-këmbës, por vetë Putini sot duke folur me nxënësit e një shkolle fillore ruse u rrëfeu atyre se zakonisht fle gjumë gjashtë orë, me raste edhe më pak, por i ftoi ata që mos ta ndjekin shembullin e tij, raporton Agjencia ruse e lajmeve TASS.

Rreth shembujve të këqinj, Putin duke folur në orë të hapur “Bisedoni për çështje të rëndësishme“ në shkollën fillore Nr.20 në Kyzyl shtoi:

“Është e papërshtatshme të gënjesh, unë do t’ju tregoj se si është, por nuk është një shembull i mirë,” tha Putin në përgjigje të pyetjeve të një prej nxënësve të shkollës se sa fle për të qenë në formë kaq të mirë.

“Shembulli im në këtë kuptim, kam fjetur, për shembull, katër orë,” tha Presidenti i Rusisë ndërsa i kërkoi nxënësit me të cilin foli që “të flejë normalisht, të paktën tetë orë”.

“Unë jam një person shumë i zënë. Nuk mund ta organizoj siç duhet ditën time të punës, çdo person duhet të jetë kritik ndaj gjithçkaje që bën dhe të nxjerrë përfundime,” tha idhulli i Presidentit të Serbisë, dora vetë Vladimir Putin.