Vuçiç është i bindur: Kosova nuk do të anëtarësohet në INTERPOL!

Presidenti i Serbisë, Aleksandar Vuçiç, është i bindur se Kosova nuk do të anëtarësohet në INTERPOL përkundër paralajmrimeve të Ministrit të Jashtëm të Kosovës, Behgjet Pacolli. Madje, duke folur për televizionin serb “Happy” jep edhe një detaj që mund të jetë vendimtar për fatin e Kosovës dhe në disfavor të Serbisë, votimi do të jetë i hapur.

‘E kam parë në media që të gjithë presin anëtarësimin e Kosobës në INTERPOL. Uroj ministrat, Daçiç dhe Stefanoviç, për angazhimin e tyre dhe besoj që disa rezultate edhe i kemi arritur dhe shpresoj në fitoren tonë,” tha Vuçiç duke shtuar se ka punuar për shumë vjet me gjeneral Dioviçin, dhe beson që Kosova  nuk do të jetë anëtare e INTERPOL-it, e mund të ndodhë, tha ai që edhe të mos kem të drejtë, por kemi punuar shumë që ta parandalojmë këtë anëtarësim.

Presidenti serb e pranoj se fuqitë e mëdha janë kundër Serbisë dhe se diplomatja e njohur amerikane, Nikki Haley, ka lobuar fortë për anëtarësimin e Kosovës në INTERPOL:

“Ne, fuqitë më të mëdha botërore i kishim kundër. Nikki Haley ka lobuar që të gjithë të votojnë për Kosovën në INTERPOL, dhe kush ngelet në anën tjetër, populli duhet ta dijë.”

Por Aleksandar Vuçiç e pranoi se përparësi e madhe amerikane është se votimi nuk do të jetë i fshehtë:

“Votimi nuk do të jetë i fshehtë dhe me kërkesën e cilit do shtet anëtar, do të dihet se kush ka votuar dhe Amerikanët do të dijnë se kush për kë ka votuar. Ky është presion i madh për vendimin e shteteve anëtare,” tha Aleksandar Vuçiç duke shtuar se nuk ka negociata  me Kosovën në Bruksel deri sa nuk do të anulohet taksa e vënë për prodhimet serbe nga Qeveria e Kosovës.

Ndryshe, Ministrit i Jashtëm i Kosovës, Behgjet Pacolli ka paralajmëruar se sot Asambleja e Përgjithshme në Dubai do të votoj për anëtarësimin e Kosovësn në INTERPOL,