Vuçiç: Jemi të kërcënuar nga Lufta e III-të Botërore

“Kemi një histeri të madhe kundër Bashkimit Europian. E bukur është kur shikon TV ndërsa je duke pi birrë, dhe mund të shajmë. Super është. Por mos harroni se ne kemi para duke ju falënderuar para së gjithash BE-së,” tha Presidenti i Serbisë, Aleksandar Vuçiç, në një konferencë për media duke rrëfyer se çfarë i ndodhi në Samitin BE-Ballkan me një gjuhë ndryshe nga vëllau i tij i Ballkanit të Hapur, Edi Rama:

“16 kryeministra drejtë për së drejti ose në mënyrë indirekte folën për nevojën e harmonizimit me politikën e jashtme të BE. Nuk është e lehtë ti dëgjosh. Por kjo nuk do të thotë se mund të shkojmë në ekstremin tjetër, kemi rrugë tjetër ose alternativë BE. Duhet të ketë një qasje racionale, pragmatiste, në interes të qytetarëve,” tha Vuçiç duke dhënë fakte konkrete.

“Në kompanitë e huaja në Serbi punojnë 300.000 serbë, indirekt 500.000 njerëz, dhe dy të tretat e këtyre kompanive në Serbi janë nga BE,” tha Presidenti i Serbisë duke shtuar:

“Ata nuk mund të na kuptojnë se sa të rëndësishëm janë për ne rusët dhe kinezët. Ne duhet ti rrespektojmë ata, të jemi të ndershëm ndaj të gjithëve. Duhet të bëjmë shumë gjëra deri në dhjetor.”

“Lufta e III-të Botërore”

Në Bruksel, tha Vuçiç, nuk kam thënë se nga fillimi i luftës ishin 2.629 artikuj gazetash për Serbinë në lidhje me vendosjen e sanksioneve për Serbinë, por në lidhje me luftën e mundshme në Ballkanin Perëndimor.

“Më besoni, nëse nuk vjen deri tek paqja pas Donbasit, do të kemi luftë më të keqe botërore se sa ishte Lufta e II-të Botërore. Një njeri i vogël nga Ballkani u thotë këtë gjë. Shpresoj se do të fillojnë me negociata paqësore, ndryshe ikëm të gjithë,” tha Aleksandar Vuçiç.

Ndryshe, Presidenti i Serbisë, Aleksandar Vuçiç, sot në mëngjes u takua me një delegacion të punëtorëve serb të kompanisë Stellantis në Kragujevc.