Vuçiç kërcënon Kosovën, foli Edi Rama për të reaguar Lulzim Basha
Kryeministri Edi Rama dhe lideri i opozitës Lulzim Basha u bindën më në fund të reagojnë për zhvillimet në Kosovë, ndonëse Presidenti i Serbisë, Aleksandar Vuçiç, refuzoi zgidhjen e Ambasadorëve të shteteve më të fuqishme perëndimore dhe kërcënoi në mesditë, e tashmë ka filluar dislokimin e forcave ushtarake në kufirin Kosovë-Serbi. Rama i kqeardhur nga rrënimi i projektit të tij me Vuçiçin, “Open Ballkan” tha se duhet të shmanget bumerangu i ngrirjes së konfliktit, Kosova të dialogojë, Serbia të bashkëpunojë dhe BE të ndërmjetësojë ndërsa Basha tha se qëndrimet e Beogradit ndaj vendimit legjitim dhe që nuk cenon asnjë marrëveshje të nënshkruar në Bruksel nga qeveria e Kosovës, zbulojnë qëllimet e vërteta të Vuçiç dhe fshehjen pas falsitetit të iniciativës së Novi Sadit.
“Kosova e ngre problemin me plot të drejtë. Tani që problemi të zgjidhet dhe reciprociteti i targave të garantohet duhet shmangur bumerangu i ngrirjes së konfliktit në këtë pikë (siç ndodhi me tarifën 100%),” tha Edi Rama përmes rrjetit social Twitter duke dhënë zgjidhje me kujdes të veçant për “vëllain” e tij Vuçiç:
“Duhet që Kosova të dialogojë, Serbia të bashkëpunojë, BE të ndërmjetësojë!”
Ndërsa kryetari i PD, Lulzim Basha, nuk është e qartë pse priti mesnatën dhe antikosovarin më të përbetuar, Edi Rama, që të flas lidhur me këtë çështje por më në fund reagoi duke theksuar se Kosova është shtet i pavarur dhe marrëdhëniet mes dy shtetesh sovrane funksionojnë mbi baza reciprociteti.
“Gjuha kërcënuese e Beogradit i përket një të shkuare që askush nuk e kthen dot më! Kosova është shtet i pavarur dhe marrëdhëniet mes dy shtetesh sovrane funksionojnë mbi baza reciprociteti,” thekson Lulzim Basha në reagimin e tij përmes rrjetit social Twitter duke shtuar se kjo është e drejtë e patjetërsueshme e Kosovës, dhe sa më shpejt ta kuptojë këtë Beogradi aq më mirë do të jetë për Serbinë dhe për marrëdhëniet mes vendeve të rajonit ndërsa përfundon:
“Qëndrimet e Beogradit ndaj vendimit legjitim dhe që nuk cenon asnjë marrëveshje të nënshkruar në Bruksel nga qeveria e Republikës së Kosovës, zbulojnë qëllimet e vërteta të Vuçiç dhe fshehjen pas falsitetit të iniciativës së Novi Sadit.”
Ndryshe, pas vendosjes së reciprocitetit për tagrat e automjeteve nga qeveria e Kosovës, sot Presidenti i Serbisë, Aleksandar Vuçiç, tha se ka refuzuar zgjidhjen e kompromisit nga shtetet e Quintit ndërsa kërkoi nga Prishtina zyrtare që të tërheq forcat polciore nga veriu ndryshe do të marrë masa. Pas këtij kërcënimi, televizioni publik serb RTS dhe jo vetëm transmetuan parakalimin e ministrit të Brendshëm Vulin para forcave serbe dhe deklaratës së tij se “ushtria serbe është e gatshme të futet në territorin e Kosovës për të mbrojtur serbët, dhe vetëm po pret urdhrin e Presidentit Vuçiç”.
Këtyre kërcënimeve mesjetare serbe, Kryeministri i Kosovës, Albin Kurti, ndonëse i vetmuar dhe pa kurrfarë mbështetje si nga Tirana zyrtare ashtu dhe opozita, iu përgjigj qartë nga takimi me Ambasadorët e Quintit se targat e përkohshme ose do të hiqen nga të dyja shtetet ose do të ngelen në fuqi.
