Vuçiç mbyll gojën, ministri i Brendshëm: Duam të ulim tensionet me Malin e Zi!
Mbrëmë kur Presidenti i Serbisë, Aleksandar Vuçic e mori mesazhin e qartë nga Presidenti i Malit të Zi, Milo Gjukanoviç, se nacionalizmi serbomadh vazhdon të sheh ëndrra ndërkohë nëpër rrugët e Podogoricës serbët filluan të rrihen nga malazezët si kafshë, Vuçiç thirri pak para mesnatës një mbledhje urgjente të Këshilit të Sigurisë Kombëtare. Ndonëse u tha që arsye ishte përkeqësimi i situatës në rajon, fjala ishte për Malin e Zi dhe këtë e sqaroi sot ministri i Brendshëm, Nebojsha Stefanoviç, pasi Vuçiç e kishte kuptuar se nuk është duke folur me Edi Ramën por me një burrështeti si Milo Gjukanoviç, i cili i njeh më mirë kriminelët serbë, se veten e vetë.
Pas takimit të mbrëmshëm me Presidentin e Serbisë, ministri i Brendshëm, Nebojsha Stefanoviç sqaroi sot se më e rëndësishme është që të ruhet paqja dhe stabiliteti në rajon ndërsa bëri të ditur se Vuçiç do të bisedoj me Gjukanoviçin për uljen e tensioneve.
Duke folur për televizioni publik të Serbisë, RTS, Stefanoviç tha se njëra ndër çështjet që u diskutua mbrëmë në mbledhjen urgjente ishte situata në Mal të Zi, për të cilën tha se askush nuk është i lumtur për shkak të përshkallëzimit të dhunës në Podgoricë ndonëse ishte Kisha Serbe dhe Vuçiçi ai i cili e nxiti këtë situatë.
“Ishim të shqetësuar sepse dhuna u shkaktua për shkak të tensioneve etnike. Ne duam të bisedojmë me autoritetet në Mal të Zi me qëllim të uljes së tensioneve,” tha Stefanoviç duke shtuar se Vuçiç në këtë mbledhje me krerët e institucioneve të sigurisë, ka shprehur shqetësimin për shkak të sjelljes ndaj flamurit serb dhe heshtjes së autoriteteve malazeze, duke harruar se përdhosjen dhe djegien e flamurit malazez e nisi Beogradi me heshtjen e Vuçiçit.
I pyetur nëse ka kërkuar Shefi i shërbimit sekret, BIA, pamjet e rrahjes së të riut serb pasi kishte ngritur tre gishtat, ministri i Brendshëm tha se nuk mund të flas për punët e shërbimeve por do të merren masa për ruajtjen e stabilitetit.
I pyetur se a është i sigurt populli serb në Mal të Zi, Stefanoviç tha se nuk dëshiron të bëjë vlerësime pa analizën e plotë të situatës.
“Nuk mund të themi se jemi të kënaqur se si po zhvillohet situata, nëse kemi një kokë të thyer, incident, dhunë, situata ku ka shumë urrejtje ndaj një serbi që ngrit tre gishta ose flamurin serb. Duhet të punojmë në mënyrë që të kemi përparim dhe të ulen tensionet,” tha ministri i Brendshëm i Serbisë, Nebojsha Stefanoviç me një fjalor të paparë deri më sot, në veçanti pas nxitjes së tensioneve në Kosovë duke e konfirmuar se mesazhin e Gjukanoviçit e kishin kuptuar qartë, në veçanti Aleksandar Vuçiç.
Ndryshe, mbrëmë nga Tivati, Presidenti i Malit të Zi, Milo Gjukanoviç, në takim me strukturat e partisë DPS, e bëri të qartë se nacionalizmi serbomadh duhej të heshte pas vitit 2006, por kurrë nuk u pajtua me pavarësinë e Malit t ëZi, duke parë ëndrra për rikompozimin e Ballkanit, që të rritet Serbia, Shqipëria, Kroacia e që të tjerët të zhduken nga faqja e dheut.
“Ky është përafërsisht plani serb i cili gjithmonë ka ekzistuar dhe i cili i ka kushtuar Ballkanit me shumë jetë të humbura. Pra, as nuk mund të ketë Serbi të Madhe, as Shqipëri të Madhe, mund të ketë vetëm Tragjedi të Madhe. Dhe në vend se ky leksion të ishte mësuar mirë nga vitet ’90-të, në vend se të hiqej dorë nga kjo gjë, siç po e shohim, pa u mbushur 30 vjet, po kthehen ide të vjetra në tryezë dhe pjesë e këtyre ideve është nacionalizmi serbomadh, i cili me ndihmën e Kishës Ortodokse Serbe po bënë përpjekje që ta prenzatoj edhe më tej Malin e Zi, dhe të ndikoj në jetën e tij, si në jetën e shtetit të dytë serb,” tha Milo Gjukanoviç duke i bërë të qartë Aleksandar Vuçiçit se një gjë të tillë nuk do ta lejoj të kaloj në Mal të Zi ashtu si dhe mashtrimet dhe nxitjen për protesta serbe që po bëjnë kundër Ligjit për liritë fetare, për të cilin tha se kemi të bëjmë me një ligj cilësor në të cilin është punuar plotë 4 vjet.
