Vuçiç: Në dy-tre ditët e ardhshme me Kurtin do takohem në Bruksel

Presidenti i Serbisë, Aleksandar Vuçiç, tha sot se në dy-tre ditët e ardhshme do të takohet me Kryeministrin e Kosovës, Albin Kurti, në Bruksel, por për këtë takim nuk mund të jap më shumë detaje sepse me Pesëshen e Madhe kanë ra dakord që të mos flitet për këtë takim në publik.

Ndërkohë për sanksionet e paralajmëruar kundër regjimit të tij, duke bërë të pafajshmin tha se është një kërkesë me masat ndaj Serbisë që vijnë nga Prishtina zyrtare.

“Kurrë në Beograd nuk kemi kërkuar sanksione kundër askujt, madje as kundër Prishtinës. Qeveritë serioze kështu sillen,” tha Vuçiç ndërsa akuzoi liderët e opozitës serbe që kopjojnë kritikat e Kryeministrit të Kosovës, Albin Kurti, për regjimin e tij.

“Ata e kishin të rëndësishme që vetëm Kurti të flas kundër meje,” tha Presidenti i Serbisë duke theksuar se kjo është evidente nga faqet kryesore të mediave në Kosovë.