Vuçiç në krah të Putinit, analisti ushtarak: Tani e ka të domosdoshme daljen në det!
Presidenti i Serbisë, Aleksandar Vuçiç, nuk mori qëndrim neutral por prorus, tha analisti kroat Mario Galiç duke sqaruar se për Serbinë nuk ka më negociata për anëtarësim dhe as ndihma nga BE deri sa Vuçiç është në pushtet, dhe tani ai e ka të domosdoshme daljen në det.
“Vuçiç refuzoi ti shpall sanksione Rusisë, dhe kështu doli plotësisht në krah të forcës ruse. Nuk ka më negociata për anëtarësim në BE, derisa Vuçiç është në pushtet dhe dyshoj se ai do të marrë ndihma nga BE,” tha Mario Galiç për TV N1 duke komentuar dhe ndikimin që mund të ketë kriza në lindje të Evropës.
“Vuçiç tashmë e ka të domosdoshme daljen në det, dhe e vetmja dalje është përmes Malit Zi. Në Mal të Zi situata politike është shumë komplekse. Atje fronti demokratik prorus dhe demokratët që së fundi kishin shumicën janë duke protestuar. Çdo fjalim e përfundojnë me konstatimin se ata janë të gatshëm të shkojnë një hapt tutje, nëse është e domosdoshme,” tha analisti ushtarak kroat i cili ka dhe një parashikim nëse janë të mundura negociatat në mes të Ukrainës dhe Rusisë:
“Rusët me shumë kënaqësi do të pranonin neogciatat, por vetëm për një çështje: Kapitullimin e Ukrainës! Ata nuk duan të luftojnë në çdo qytet të Ukrainës, kjo do t’ju kushtonte shumë. Ata duan ta marrin Kievin, ta rrëzojnë simbolikën e Kievit dhe në Majdan ta ngritin flamurin rus. Pra, ta rrëzojnë simbolin e rezistencës dhe pavarësisë së Ukrainës dhe pastaj të negociojnë me ukrainasit që të dorëzohen plotësisht,” tha analisti ushtarak kroat, Mario Galiç, duk saktësuar se tanket ruse nga kufiri bjellorus deri në Kiev, kaluan rreth 100 kilometra për 24 orë pa u përballur me ndonjë rezistencë, pavarësisht mashtrimeve ruse rreth Çernobilit, ku ukrainasit me një videodëshmi konfirmuan se betejë të ashpër te centrali bërthamor që u propagandua nga Moska nuk kishte, por vetëm 1 tank dhe dy mjete transportuese ruse; Dhe, më pas ky pushtet kriminal i Putinit ndryshoi gënjeshtrën duke thënë se beteja ishte te qyteti dhe jo to centrali bërthamor.
