Vuçiç nuk e jep Medvegjën dhe autostradën në Luginë. Për të tjerat…

Presidenti i Serbisë, Aleksandar Vuçiç tha se është i gatshëm ta dij se sa paguhet çmimi për trimëri në Serbi, për propozimin të cilin veshët serbë nuk dëshrojnë ta dëgjojnë, por se është vendosur  që të hyjë në histori si njeri i cili të paktën ka bërë përpjekje për zgjidhjen e çështjes së Kosovës.

Edhe pse ishte në ceremoninë e fillimit të punimeve në rindërtimin e Qendrës Klinike të Serbisë në Beograd ai foli për çështjen e Kosovës. Preshevën dhe Bujanocin, Vuçiç nuk tha se nuk i jep, siç e bëri të ditur se nuk do ta jap pjesën e autostradës që kalon nëpër Luginën e Preshevës, dhe Medvegjën.

Në qarqet ndërkombëtare tha Presidenti i Serbisë ka shumë njerëz që dëshirojnë arritjen e një marrëveshje për paqe, por e ka edhe prej atyre që dëshirojnë shumë më pak, e të tilla tha ai ka edhe në Serbi.

“I jam futur një pune që është shumë e vështirë, edhe pse njerëzit flisnin se nuk shqetësohemi. Pastaj dikush mendoj se mund ta shfrytëzojnë për ardhjen në pushtet, por me një politikë të paqartë, dhe nuk dëgjojë kurrfarë zgjidhje. Jam i gatshëm ta dij edhe çmimin për trimëri, për propozimin e asaj që veshët serbë nuk dëshirojnë të dëgjojnë edhe pse është e vërtetë,” tha Vuçiç.

Ai me këtë rast tha se më 9 shtator do të bisedoj me popullin serbë në Kosovë për politikën e shtetit serb rreth çështjes së Kosovës, por nuk do të shpalos kurrfarë plani, dhe nuk do të flas për detaje sepse nuk don, siç tha, të shkatërrroj mundësitë e çfarëdo lloj marrëveshjeje.

“Kjo është arsyeja që nga unë nuk do të dëgjoni detaje!”

Serbët në Kosovë, tha Vuçic, mund të presin shumë nga shteti i tyre, dhe Serbia do të investoj atje ndërsa zbuloi se po negocion me një kompani kineze për të hapur një fabrikë në veri të Kosovës.

“Por njerëzit kërkojnë garanci për punën që do të organizojnë, e ne këto garanci në këtë moment nuk i japim dot.”

Fjalimin me të cilin do ti drejtohet serbëve në Kosovë, tha se do të filloj ta shkruaj që nga dita e nesërme, e diçka më shumë do ta ketë të qartë edhe vetë ai, pas bisedimeve në Bruksel me, siç tha, “europianët dhe Thaçin”, dhe pas vizitave në Kinë dhe SHBA.

Në fund, presidenti i Serbisë, Aleksandar Vuçiç tha se nuk do ti përgjigjet deklaratëve të politikanëve shqiptarë rreth “marrjes së Medvegjës” dhe ata mund të deklarojnë në Prishtinës çfarë të dojnë:

“Të përgjigjem se propozimi për Asociacionin është i çmendur, se do ta marrin Medvegjën ku jetojnë vetëm 7 % shqiptarë… ose autostradën që ne po ndërtojmë, nuk do të reagoj fare,” tha ai duke dhënë përgjigje me këtë reagim edhe pse dihet që askush në Prishtinë nuk ka folur për Medvegjën por për Luginën e Preshevës kur përfshihen Presheva, Medvegja dhe Bujanoci.