Vuçiç: Nuk flas. Nuk jam i papërgjegjshëm si Thaçi!
Presidenti i Serbisë, Aleksandar Vuçiç nuk pranoi të flas për dialogun me Kosovën sepse thotë nuk është i papërgjegjshëm sikur Thaçi, dhe kjo do të shkatërronte pozicionin aktual që kanë serbët. Tha se angazhohet për përcaktimin e kufirit me shqiptarët dhe se zgjidhja për Kosovën duhet të jetë gjithëpërfshirëse, dhe jo e thjeshtë ose e thjeshtëzuar.
“Unë angazhohem dhe këtë nuk e fsheh, gjithashtu angazhohem dhe kjo është politika të cilën e prezantoj, a do të ketë mbështetjen e popullit ose jo, do të shohim, por unë angazhohem për përcaktimin e kufirit me shqiptarët,” tha Vuçiç në Shid ku vizitoj një fabrikë për përpunimin e mishit.
“Po, kemi territor për të cilin nuk dihet se kush dhe si e trajton, dhe kujt i takon, ky është gjithmonë burim i konflikteve potenciale dhe problemeve,” sqaroi presidenti i Serbisë i cili e pranoi se suksesi në përcaktimin e kufirit nuk varet nga serbët, ndërsa rikujtoi thënien e famshme:
“Për tango duhen dy veta!”
Për dallim nga Thaçi dhe Haradinaj si dhe disa përfaqësues ndërkombëtarë, dhe atyre në opionin vendas serb që dijnë gjithçk e kurrë nuk kanë biseduar dhe as që kanë marrë pjesë në ndonjë bisedim, Vuçiç tha se nuk dëshiron të thotë ca gjëra, sepse do ta shkatërronet pozicionin aktual që kanë serbët.
“Nuk jam i papërgjegjshëm dhe nuk dua të dal me deklarata patriotike,” tha Vuçiç duke shtuar se e dinë punën e tij dhe e bënë në interes të Serbisë.
A do të flas?! Po tha Vuçiç kur të jetë afër një zgjidhje të prekshme.
“Ky duhet të jetë një plan gjithpërfshirës i cili i përket shumë çështjeve, dhe nuk është i thjeshtë ose i thjeshtëzuar siç e mendojnë disa,” tha Vuçiç duke shtuar se nuk mund të flas për çfarë po negocion me shqiptarët, sepse kjo do të zbulonte letrat me të cilat Serbia negocion.
