“Vuçiç nuk heqë dorë nga pushteti pa një fatkeqësi të madhe”, Ekspertët: Të shmangen kurthet e pushtetit!

Ne nuk do ta pranojmë atë dorë të përgjakur që na është shtrirë për t’i mundësuar atij të nisë luftën e pestë të humbur, këtë herë kundër qytetarëve të tij. Dhuna nuk mund të lindë një shoqëri dhe demokraci normale, janë qëndrimet e ekspertëve serbë rreth pretendimeve të Slobodan Samarxhiçit se Aleksandar Vuçiç nuk do ta dorzojë kurrë pushtetin pa viktima dhe se kjo duhet shmangur me çdo kusht.

“Vuçiç nuk do të heqë dorë nga pushteti pa një fatkeqësi të madhe. Ajo duhet shmangur dhe puna duhet përfunduar për të mirën e këtij populli. Kjo është pikërisht çështja e madhe e Serbisë së sotme,” tha profesori serb Slobodan Samarxhiç në një intervistë për të përditshmen serbe Danas.

Për Drejtorin e Qendrës për Politikë Praktike, Dragan Popoviç, të 13 vitet me këtë regjim na tregojnë qartë se nuk do të heqin dorë aq lehtë nga pushteti.

“Sepse nëse do të donin një qeverisje normale demokratike, nuk do të ishin ata që janë – sundim personal autokratik. Në këtë kuptim, është absolutisht e vërtetë se ndryshimi i tyre nuk do të vijë lehtë ose përmes një rruge normale, demokratike,” thotë Dragan Popoviç, duke shtuar se është absolutisht e vërtetë dhe se dhuna duhet shmangur me çdo kusht sepse çdo dhunë është vetëm një rrugë drejt forcimit të autokracisë.

“Nuk besoj se nga dhuna mund të lindë një rend demokratik. Sigurisht, me dhunë nënkuptoj viktima fizike dhe në njerëz. Këtu duhet të shmangim kurthin që ngre vazhdimisht qeveria, ku format e luftës jo të dhunshme i paraqet si ‘dhunë’. Sepse nuk është dhunë kur proteston, bllokon institucionet dhe kërkon diçka. Por konfrontimet fizike dhe humbjet e jetëve njerëzore, Po. Mendoj se është shumë e rëndësishme ta shmangim atë, jo për arsyen e dukshme të viktimave njerëzore, por edhe për të ardhmen e shoqërisë sonë. Historia na tregon se shoqëritë normale dhe regjimet demokratike lindin rrallë nga dhuna,” theksoi ai i bindur se presioni ndaj qeverisë duhet të jetë i vazhdueshëm, por jo i dhunshëm.

“Çështja është se regjimi i Vuçiçit sundon mbi frikën. Ai vendosi sundimin e tij mbi frikën dhe manipulimin. Një fuqi e tillë shkatërrohet duke bërë gjithçka në kundërshtim me të. E cila, me presion të vazhdueshëm ndaj saj, promovon vlerat e vërteta dhe jo dhunën. Në këtë mënyrë, nga njëra anë, i çlironi qytetarët nga frika dhe nga ana tjetër, u ktheni shpresën se mund të bëjnë diçka. Gjëja më e rëndësishme është që qytetarët të jenë të vetëdijshëm se ekzistojnë dhe janë një forcë e mjaftueshme, se janë ata i të cilëve është shteti,” thotë Dragan Popoviç për Danas duke vlerësuar se ky presion ndaj qeverisë mund të çojë që ajo thjesht të mos ketë një partner luftarak për dhunën nesër, ndërsa përfundon:

“Këtë e pamë shumë mirë më 15 mars, se jodhuna, edhe me gjysmë milioni njerëz në rrugë, shumë lehtë mund t’i rezistojë regjimit dhe të ekspozojë metodat e dhunshme që ai përdor.”

Kryetari i Partisë Demokratike, Srgjan Milivojeviç, kujton se institucioni i parëndësishëm me kompetenca kryesisht protokollare, më së shpeshti të natyrës ceremoniale, lëshoi një klithmë në fillim të kësaj krize të fundit:

“Nuk do ta lë Vuçeviçin, nuk do ta lë Milan Gjuriçin të jetë kryebashkiak i Novi Sadit. Pas më pak se tre muaj ishte i detyruar ti lëshoj në Danubin e turbullt, pa ju thënë lamtumirë“.

Sipas Milivojeviçit, një institucion i parëndësishëm ka konfirmuar shumë herë në të kaluarën e afërt se fjala e tij si një mi i frikësuar vlen po aq sa betimi i tij radikal se ai kurrë nuk do të lejojë që çizma e dikujt tjetër të shkelë në Kosovë.

“Përkundër faktit se ai e ka konfirmuar shumë herë, me gjendjen e tij të furishme dhe veprimet e tij të çmendura, se është një njeri me karakter të lig e të poshtër, që nuk ka kufizim moral dhe zotëron një arsenal të pakufishëm të së keqes, atij do t’i duhet të kuptojë se perandoria e tij totalitare e plotfuqishmërisë dhe autokracisë po shembet përballë revoltës jo të dhunshme të popullit.

Edhe pse më 15 mars, duke gjuajtur me top zëri në drejtim të popullit, ai i shpalli luftë qytetarëve të Serbisë, ne nuk do ta pranojmë këtë dorë të përgjakur të shtrirë për t’i mundësuar që të filloi edhe luftën e pestë të humbur, këtë herë kundër qytetarëve të tij. Tirani do të mposhtet dhe do të detyrohet të përmbushë kërkesat e studentëve,” këmbëngul Srgjan Milivojeviç për të përditshmen serpse Danas duke theksuar se policia dhe shërbimet e sigurisë që ende po zbatojnë urdhrat e tij do të jenë ato që do ta nxjerrin para organeve të drejtësisë së këtij vendi ku do të përballet me përgjegjësinë për krimet që ka kryer ndërsa përfundon:

“E mira gjithmonë e ka mundur të keqen, sado e shfrenuar të jetë e keqja!”