Vuçiç për Sky News: Radoiçiçi ishte aleati im, nuk e ekstradoj dot!

Milan Radoiçiç ishte aleati im por jo dhe miku im, tha Presidenti i Serbisë, Aleksandar Vuçiç, duke shtuar se nuk e ekstradoj dot sepse shteti që ai drejton nuk e pranon Kosovën.

Duke folur për Sky News, nuk i mohoi akuzat e Prishtinës se Beogradi e ka organizuar sulmin terrorist në Banjskë dhe i ka siguruar këtij grupi terrorist armë, ndërkohë në fotografitë e Policisë së Kosovës ku shihet sasi e madhe e armatimit të konfiskuar është prodhuar në Serbi, por Vuçiç duke e luajtur vitkimën tha se gjithmonë është më lehtë të akuzohet Beogradi.

“Kush do të besoj se është ndryshe, gati askush,” tha Presidenti i Serbisë duke e konfirmuar pse është kështu ndërsa e tha menjëherë një të pavërtetë duke deklaruar se pjesëtarët e Policisë së Kosovës përdorin armatimin e prodhuar në Serbi, por Serbia nuk ju ka shitur.

“Ata djemë që kanë ndjekuru serbët dhe që janë nga Policia e Kosovës, kishin armë AK të prodhuara në Kragujevc,” tha Vuçiç duke përsëritur se është lehtë të gjenden armë jo vetëm në tregun e zi.

“Njerëzit gjithmonë do të mbështesin njerëzit që dëshirojnë të mbrohen, sepse nga këndvështrimi jonë, pra serb, kjo është pjesë e Serbisë, sipas Kushtetutës sonë, ky është këndvështrimi ndryshe që duhet ta përceptoni. Për këtë e them, kjo është diçka që nuk nuk lejohet, por nuk është aq e rëndë,” tha Aleksandar Vuçiç i cili ndryshe mendonte kur kroatët, boshnjakët dhe shqiptarët dëshironin të mbroheshin nga policët e Milosheviçit, dhe po ky Vuçiç me po këtë popull serb nuk i mbështesnin por i quanin terrorist!

Duke folur për Milan Radoiçiçin të cilin e akuzoi Prishtina zyrtare dhe më pas vetë e pranoi se ishte kreu i këtij grupi terrorist, Vuçiç foli për detaje të reja se si është furnizuar me armë ndërsa iu referua deklaratës së Radoiçiçit.

“Çuni i cili është marrë në pyetje në procedurën para padisë tha se ka blerë diçka në Serbi, diçka në Kroaci, diçka në BeH, tani do ti vërtetojmë,“ tha Presidenti i Serbisë për Sky news duke e zgjeruar përmasën e mashtrimit.

I pyetur nëse Radoiçiç ishte aleati i tij, Vuçiç ishte i prerë:

“Pa dyshim, ishte Nënkryetar i Listër Srpska!”

Megjithatë, nuk thotë se e kishte mik.

“Ai është i akuzuar. Ishte një vepër penale e madhe,” tha Vuçiç.

I pyetur pse nuk e ekstradon Radoiçiçin në Prishtinë, Vuçiç përgjigjet me pyetje:

“A po talleni me mua, apo si qëndron puna?” – tha Vuçiç duke vazhduar habitoren e tij:

“Ju pyes sepse ju e dini që nuk mund ta ekstradojmë askënd në Prishtinë, sepse nuk e pranojmë Kosovën si shtet.”

Duke përsëritur se fjala është për një vepër të rëndë penale, prap se prap thotë:

“Ishin mijëra vepra penale serioze edhe pse jemi anëtar të OKB, ata nuk ekstraduan njeri në Beograd,“ tha Presidenti i shtetit i cili vazhdon të jetë strehë e kriminelëve të luftës nga e gjithë bota ndërsa arsyeton edhe terroristët që kryen sulmin në Banjskë duke gënjyer:

“Ata njerëz janë dëbuar nga pragu i tyre i shtëpisë.”

I pyetur nëse i pëlqen këta njerëz, Vuçiç tha jo dhe se dënon vrasjen e policit, pavarësisht se çfarë punon dhe çfarë po ndodhë në veri të Kosovës. Megjithatë, shton ai duke kuruar imazhin e tij në sy të botës, me mashtrime se “për dallim nga Prishtina që i quan terrorist, nuk mund ti përshkruaj kështu njerëzit që kanë jetuar atje dhe dëshiruan të kthehen.”

Në fund, i pyetur pse nuk i normalizon marrëdhëniet me Prishtinën, Vuçiç tha se Serbia bënë gjithçka dhe është konstruktive, dhe e tillë ishte edhe në takimin e fudit në Bruksel, duke pranuar të gjitha propozimet e Bashkimit Evropian, pa treguar se cilat ishin ato propozime për Kosovën, apo Borrell dhe Lajçak janë aty vetëm për serbët dhe Serbinë.

“Pala tjetër nuk deshti të bëjë asgjë në lidhje me Asocacionin e komunave me shumicë serbe, e cila është firmosur para 10 viteve, dhe nuk lëvizën nga kjo,“ tha Vuçiç sërish duke gënjyer se policë shqiptarë nuk do të kishte në veri të Kosovës sikur të respektohej Marrëveshja e Brukselit.

“Duhet të ishin serbë me uniformë të Policisë së Kosovës sipas Nenin 9 të Marrëveshjes së Brukselit,” tha Presidenti i Serbisë, Aleksandar Vuçiç, duke harruar se po i flet një shikuesi të mirëinformuar të Sky News, i cili për dallim nga qytetarët e indoktrinuar të Serbisë e din të të vërtetën e Kninit dhe Vukovarit, Prijedorit dhe Srebrenicës, Prekazit dhe Reçakut, dhe së fundi, Banjskës, me pamjet reale të dronit të Policisë së Kosovës që konfirmuan se shteti serb urdhëroi serbët e Kosovës ta braktisin policinë sepse nuk mund të jetë ndryshe përveç se shtet terrorist, dhe deri sa negocion në Bruksel vazhdon dhe vret shqiptarë pavarësisht se janë me ose pa uniformë!