Washington, Hoti: Nesër firmoset Marrëveshja për bashkëpunim ekonomik

Delegacioni i Kosovës dhe ai Serbisë kanë përfunduar takimet në Washington për të vazhduar nesër, ku sipas Kryeministri i Kosovës, Avdullah Hoti, pritet të nënshkruhet edhe Marrëveshja për bashkëpunim ekonomik.

Pas takimit, Kryeministri Hoti, sqaroi se sot kishte përparim dhe nesër pritet të përfundojnë të gjitha ato diskutime që i kishin sot para dhe pasdite pret që të ketë Marrëveshje për bashkëpunim ekonomik me Serbinë.

“Nesër mund të bëhet e qartë gjithçka, nesër mund të shihet marrëveshja, jemi një hap afër përmbylljes së marrëveshjes dhe kemi bërë një hap të madh drejt përmbylljes së marrëveshjes finale,” tha Hoti.

Ndryshe, përveç vazhdimit të takimit, nesër në SHBA janë paraparë edhe dy takime, ai në Shtëpinë e Badhë dhe me Sekretarin e Shtetit, Mike Pompeu, ku dhe do të ketë konferencë për media.