Wuhan, 1.4 milionë teste për koronavirus brenda ditës
Qyteti kinez ku shpërtheu fillimisht koronavirusi, Wuhan, ka testuar dje 1.470.950 persona për këtë virus, deklaruan sot zyrtarët.
Më herët gjatë këtij muaji, autoritetet kineze kanë vënë një qëllim ambicioz për testimin e gjithë popullsisë prej 11 milionë banorëve për më pak se dy javë.
Ata besojnë se kjo është mënyra më e mirë për të siguruar rihapje të sigurt të bizneseve dhe shkollave.
Kjo fushatë synon të identifikojë bartësit pa simptoma – personat që janë të infektuar por që nuk shfaqin shenja se janë të sëmurë.
Numri i testimeve të kryera brenda ditës është rritur gradualisht. Më 18 maj, ky qytet ka kryer 467.847 teste, ndërkohë që deri të enjten, numri është rritur në më shumë se 1 milion.
Ky lajm vjen teksa Kina nuk ka raportuar asnjë rast të ri në territorin e saj të prekur me këtë virus, raporton RFE, prej kur ka shpërthyer sëmundja COVID-19, që shkakton koronavirusi.
Kina ka regjistruar deri më tani ka më shumë se 84.000 persona të infektuar dhe 4.600 të vdekur si pasojë e këtij virusi.
