Xhepat e studentëve digjen, Edi Rama krihet në Twitter

Pas denoncimit të studentëve se po u kërkohet të paguajnë tarifën e plotë pavarësisht VKM-së që propagandonte Edi Rama, dhe sqarimit të këtij të fundit se VKM ka dalë edhe në Fletoren zyrtare Nr.189, ai sërish nuk dënjoi as ti takoi studentët dhe as ta verifikoj se çfarë po ndodhë në Fakultetin e Inxhinierisë ku kërkohet pagesa e plotë e tarifës.

Ama për Twitter “është nona“. U ul dhe shkronjësi i madh iu drejtua studentëve:

“Të gjithë studentët, e çdo universiteti, duhet të kërkojnë ekzaktësisht këtë njoftim:

Njoftohen të gjithë studentët se: Nga data 09.01.2019 fillon mbledhja e dokumentacionit pranë degës së shërbimeve për 3700 studentë përfitues të reduktimit të tarifës së shkollimit me 100% apo 50 % sipas kategorive të shtresave sociale paraprakisht në VKM-të e nxjerra në fund të dhjetorit 2018, ref.fletorja zyrtare 189. Vendime të miratuara 26.12.2018.”

Dhe jo vetëm kaq! Kryeministri i Twitterit kishte lajm edhe për ata studentë që do të përfitojnë, sipas tij, trajtim financiar:

“Gjithashtu, nga data 10.01.2019 fillon mbledhja e dokumentacionit për studentët që do përfitojnë trajtim financiar/bursa referuar VKM-të të nxjerra në fund të dhjetorit 2018 ref.fletorja zyrtare 189, Vendime të miratuara në 26.12.2018.” Ndryshe, derisa kryeministri Edi Rama vazhdon krehjen e tij në Twitter dhe Facebook, xhepat e studentëve vazhdojnë e digjen së bashku me Reformën në Arsim.