Xhevë e Fehmi Lladrovci, Haradinaj: Udhërrëfyesit tonë në rrugën për ndërtimin e shtetit

Kryeministri në detyrë, Ramush Haradinaj, duke kujtuar Xhevë e Fehmi Lladrovci, në këtë përvjeotr tha se ata do të jenë gjithmonë udhërrëfyesit tonë në rrugën për ndërtimin e shtetit.

“Të lindur për luftë, Xhevë e Fehmi Lladrovci, të cilët kisha fatin edhe t’i njoh nga afër, ishin çdoherë në radhën e parë të sulmit, duke iu bënë krah i fortë lëvizjes për liri e pavarësi. Në këtë përvjetor, përulem me nderim para veprës së tyre heroike. Kujtoj bashkëluftëtarët e tyre, Shefqet Zeka e Fatime Hetemi, dhe të gjithë dëshmorët e Brigadës 114, që me krenari mbajti emrin e Fehmi Lladrovcit,” thekson Ramush Haradinaj përmes rrjetit social Facebook duke përfunduar:

“Ata do të jenë gjithmonë udhërrëfyesit tonë në rrugën për ndërtimin e shtetit. Lavdi e përjetshme.”