“Xhisiela”, Taulant Balla shkon për deponuar kallëzim, del nga prokuroria dhe flet si Kryeprokuror
Shkoi për të kallëzuar në Prokurori, dhe pas 120 minutash në përballje me një prokuror del dhe flet para mediave që e sajdisën me prezencë si Kryeprokuror edhe pse Shqipëria vazhdon të mos ketë një të tillë, por një Kryeprouror të Përkohshëm. Ky është Kryetari i grupit parlamentar të Partisë Socialiste, Taulant Balla, i cili tashmë nuk është më kallëzues i deputetëve të PD për çështjen “Xheisila” dhe është prokurorja e këtij rasti dhe opinioni publik që mori përgjigjen.
Në momentin që Taulant Balla ishte në prokruori dhe filloi të përflitej nga mediat se ai nuk po deponon kallëzim por është duke u marrë në pyetje në lidhje me hetimet që po zhvillohen pas denoncimit të ish-oficerit të policisë së Fushë Krujës, Emiljano Nuhu, përgjigja e Ballës pas “kallëzimit” konfirmoi ato që u quajtën deri në atë moment “thashetheme”.
“Unë kam ardhur për të të depozituar një dosje provash që justifikojnë kallëzimin tim. Unë kam bërë kallëzim, nëse është i rremë unë mbaj përgjegjësi,” tha Balla ndërkohë i pyetur nëse prokurorja i ka kërkuar shpjegime edhe për çështjen Nuhu, ai sqaroi shumë gjëra duke folur si Kryeprokuror por jo dhe çështjen për të cilën u pyet:
“Çështjet që isha unë, ishte vetëm për kallëzimin tim penal. Në datë 10 Basha nëse kthehet në Shqipëri, e pres edhe në gjykatën e Tiranës dhe për një çështje tjetër. Prokuroria, Bashën ta thërrasë sa më shpejt për të sqaruar sa më shpejt opinionin. Një opozitë pa program ka përfunduar në prodhimin e Babaleve.”
Gazetarët nuk shprehën më habi se çfarë po thoshte Balla edhe pse kur u pyet se sa qëndroi në prokurori ai ka folur për edhe grup të strukturuar kriminal:
“Gati 120 minuta. Ky është një grup i strukturuar, Basha, Nuhu dhe Çollaku dhe persona të tjerë që fabrikuan një inskenim të turpshëm. kam deklaruar në kallëzimin tim se nuk kam qenë në Krujë,” tha Kryetari i grupit parlamentar të Partisë Socialiste, Taulant Balla pa e kuptuar se ka zbritur nga foltorja e Kuvendit dhe është para Porkurorisë.
Ndryshe Ish-Nënkomisari i Krujës, Emiljano Nuhu akuzoi se në datë 21 korrik është kërcënuar më armë në kokë për të mbyllur dosjen e hapur për akuzën e përdhunimit në ngarkim të djalit të deputetit të Partisë Socialiste, Rahman Rraja. Për këtë ai akuzon vëllain e deputetit se i ka vënë pistoletën në kokë, vetë deputetin Rrhahman Rraja, kryebashkiakun Artur Bushi dhe Taulant Ballën se ishin në mesin e 10 personave që e kërcënuan.
