Ylli dhe heroi kroat rrezikon deri në 5 vjet burg…
Luka Modriç rrezikon deri në 5 vjet burg për ndryshim të dëshmisë në gjyq, për rastin e kriminelit Zdravko Mamiç, raporton SkySport.
Në një vizitë të bërë në vendlindjen e tij, në Zarë, gazetari i SkySport tregon sentimentin e bashkëvendësve të Modriç-it në prag të lavdisë që pritet të marrë duke qenë në finale të Kupës së Botës kundër Francës.
Por, duke ngritur një paralele me Cristiano Ronaldon, aty thuhet që asnjë statujë nuk do t’i ngritet yllit të Real Madridit.
Zdravko Mamiç ishte dënuar me 6 vite e gjysmë burg për përvetësim e shmangie tatimi, ndër të tjera. Në këtë rast ishte përfshirë edhe Luka Modriç. Sa i përket yllit kroat, në artikullin në fjalë thuhet se në vendlindjen e tij ka grafite ku shahet Modriç me fjalë të ndyra, pikërisht për shkak të çështjes Mamiç.
Nëse Modriç shpallet fajtor, e për një rast të tillë ekziston prova e shkruar, atëherë do t’i duhet të vuajë dënimin me pesë vite burg – shkruan SkySport.
