Zaganjori para Vettingut, si ka ndryshuar pasuria e kreut të Gjykatës së Lartë/ Ja problemet që ka gjetur KPK
Kreu i Gjykatës së Lartë, Xhezair Zaganjori, përballet me procesin e vetingut. Ai zotëron një pasuri familjare me vlerë rreth 58.7 milionë lekë, ndërkohë që të ardhurat ndër vite llogariten në 99.7 milionë lekë.
Kryetari i Gjykatës së Lartë, Xhezair Zaganjori është i pranishëm pa avokat përballë Komisionit të Pavarur të Kualifikimit.
Trupi gjykues që ka kryer procesin e rivlerësimit për kreun e Gjykatës së Lartë drejtohet nga Olsi Komici, me anëtarë Roland Ilia dhe Pamela Qirko.
Relatorja Pamela Qirko: ILDKPKI e ka nxjerrë të pastër pa probleme për pasurinë. KPK kreu hetimin administrativ të sajin për verifikimin e pasurisë së Zaganjorit.
Zaganjori në deklaratën e vetingut 2017 ka deklaruar: apartament 297 m katrorë blere në vitin 2001 për 5.8 milionë me burim shitjen e një apartamenti tjetër. Dyqan 73 metra katrorë me vlerë 1.4 mln lekë me të ardhura personale. Bodrum 65 metra katrore me pjesë takuese 2/8 blerë me të ardhura personale; zyre 15 metra katrore; apartament 81 metra katrorë në Durrës blerë në vitin 2006, 32 mijë dollarë. Pagese e kryer në tetor të vitit 2008, 32 mijë dollarë për një firmë ndërtuese. Obligacione 6 mln lekë. Llogari rrjedhëse 382 mijë lekë, llogari 24 mijë lekë, llogari bankare 6.5 mln lekë në emër të gruas, depozitë 14 mijë euro në emër të gruas, 27 mijë lekë në kartë krediti, llogari tjeter 799 mije lekë në emër të gruas, llogari rrjedhëse 392 mije leke, llogari kursimi 376 mijë lekë në emër të djalit. Llogari rrjedhëse 13 mijë euro të ardhura nga puna e djalit. Llogari rrjedhëse 1.42 paund të ardhura nga djali. 1.6 mijë euro llogari në gjermani. 1.4 mije euro llogari tjetër në Gjermani të djalit.
Gjetjet e KPK: apartament 297 metra katrore, subjekti ka deklaruar se burimi i financimit ka ardhur 3.9 milion lekë nga shitja e apartamantit të parë dhe pjesën tietër nga të ardhurat nga qeratë.
Sipas KPK, subjekti ka kryer deklarime fiktive për blerjen e apartamenteve. Ka shmangur taksat dhe ka fshehur vlerën e apartamenteve.
Pasuria nr. Dy ( dyqani) subjekti ka deklaruar në Veting se është blerë për 1.4 mln leke me të ardhura personale dhe nga qiraja. Kjo pasuri është deklaruar edhe në 2003 si bibliotekë për 1.8 mln lekë.
Sipas KPK vlera e kësaj është 500 mije lekë, sipas kontrates së shitjes. Pra Zaganjori ka deklaruar vlera të ndryshme. Ai ka shmangur tatimet, se ne ZVRPP e ka deklaruar vlerën 500 mijë leke.
Në lidhje me bodrumin Zaganjori ka deklaruar me vlerë 800 mijë lekë me të ardhura personale dhe me qira. Edhe në 2003 është deklaruar bodrum plus zyrë me vlerë 1.5 mln lekë me burim qiranë nga biblioteka.
Sipas verifikimet vlera e këtij bodrumi është 500 mije lekë sipas kontrates së bërë te noteri publik.
Në lidhje me zyrën me sip 15 metra katrore blerë për 400 mije lekë sipas deklarates së Vetingut, në vitin 2003 është deklaruar se bodrum plus zyrë me vlere 1.5 mln lekë.
Por sipas KPK dhe kontratës së shitblerjes përseri del që e ka blerë për 500 mijë lekë.
