Zaptimi i Bashkisë Kamzë, Basha: Hajduti Rakip Suli do të përgjigjet…

Pas futjes me dhunë në Bashkinë Kamzë të Kryetarit të dalë nga zgjdhjet e 30 Qershorit, ka reaguar Kryetari i Partisë Demokratike, Lulzim Basha duke theksuar se hajduti Rakip Suli me ndihmën e banditit Sali Skura dhunuan dhe zaptuan sot me forcë selinë e Bashkisë Kamëz ndërsa paralajmëron:

“Për dhunën hajdutërore të dy këta kriminelë do të përgjigjen shpejt para ligjit! Uroj për të mirën e tyre dhe të Hajdutit Psiqik, që ajo ditë të vijë më shpejt se dita e përballjes me zemërimin e popullit!”

Rakip Suli ky hajdut i milonave të shqiptarëve me tendera dhe qira që i përfitoi kur ishte deputet në konflikt të pastër interesi, tha Lulzim Basha në reagimin e tij përmes rrjetit social Facebook, duhet të ishte ndjekur penalisht dhe dënuar.

“Sali Skura i dosjes 184 që ngrinte postblloqe për të ndaluar votuesit e opozitës duhet të ishte në burg. Por sa kohë Edi Rama është në zyrën e kryeministrit, nuk do ketë as drejtësi dhe as demokraci, banditët, kriminelët dhe hajdutët do të sundojnë Shqipërinë,” tha Kryetari i Partisë Demokratike, Lulzim Basha, duke përfunduar:

“Shporrja e Hajdutit Psiqik dhe bandës së tij është jetike për sigurinë dhe jetën e çdo familje shqiptare!”

Ndryshe, sot zyrat e Bashkisë Kamzë janë hapur me forcë ndërsa kryebashkiaku i dalë nga zgjedhjet e e 30 Qershorit, Rakip Suli ka mbërritur në orën 16:30 minuta i shoqëruar nga përkrahësit e Partisë Socialiste.

Si çdo komunist edhe Rakip Suli punën e tij të parë e kishte me kolltukun. Hoqur kolltukun e Xhelal Mziut dhe mori një karrige të thjeshtë duke shtuar se e “shijonte më shumë”.

I pyetur për paraardhësin e tij, Rakip Suli tha se nuk e njeh fare atë, por u shpreh se ai si persona ka ndryshuar vetën e tij, por jo Kamzën.

“Nuk e njoh këtë person, e njoh si njeri që ka ndryshuar veten dhe jo Kamzën,” tha Suli duke u zotuar se do ta “pastroj” administratën.

“Ai punonjës që do eci me hapin që ne mendojmë ne, ai person që vjen për të marrë rrogën dhe nuk i interesojnë shërbimet që ne do ofrojmë do shkojë në shtëpinë e vet,” ishte mesazhi i qartë i Rakip Sulit për të gjithë ata punonjës që për momentin i besuan Kryeministrit Edi Rama se nuk do të lëvizin.

Dhe si shefi i tij edhe Raki Suli gjithçka që është bërë para se të vinte ai e bëri nul:

“Në këtë bashki ka munguar çdo lloje shërbimi, unë do jem kryebashkiak për të gjithë qytetarët e Kamzës. Puna e parë që do nis është përsa u përket që të merren masat për kopshtet dhe shkollat, pastrimi që është problem i vërtetë dhe vënia në efiçencë e administratës,” tha Rakip Suli duek u renditur ndër kryebashkiakët që do Edi Rama dhe futet me daltë e çekiç në Zyrë.