Zbardhet Vendimi Gjykatës, Rithemelimi fillon organizimin e Kuvendit të PD më 30 Prill

Pas zbardhjes së Vendimit të Gjykatës së Rrethi Gjyqësor Tiranën i cili njeh ndryshimet e Statutit të Partisë Demokratike të miratuara në Kuvendin e 11 Dhjetori 2021, drejtuesja e kësaj partie të cilën e njohu dhe Gjykata, Komisioni i Rithemelimit, u mblodh sot menjëherë për të diskutuar çështje organizative të PD-së dhe Kuvendin e ardhshëm të 30 prillit.

Pas mbledhjes së Komisionit të Rithemelimit, lideri historik i PD-së, Sali Berisha, sqaroi se çfarë u diskutua për 150 minuta.

“Diskutuam për kuvendin e ardhshëm të PD-së. U diskutua për listat me të cilat do të votohet. Tani disponohen listat e vitit 2019, 2021. Listat do të ju dërgohen degëve të PD-së, për të përcaktuar emrat që do të votojnë. Kam besim se çdo anëtar i PD-së do të votojë, shprehë vullnetin e tij për kryetarin e degës, grupseksionit dhe me radhë,” tha Sali Berisha me një gjuhë shumë të moderuar pavarësisht shthurjes që trasnmetojnë dy “shalsat” e Lulzim Bashës, Gazment Bardhi dhe Enkelejd Alibeaj, duke shtuar:

“Edhe njëherë dua të garantoj çdo anëtar të PD-së, se formulari i shpërndarë nuk ka asnjë qëllim tjetër veç pajisjes me dokumentet e partisë dhe jo për qëllime votimi. Këtu duhet të jemi shumë të qartë. U ra dakord që çdo proces për të cilin një anëtar i PD-së, ka objeksion ti nënshtrohet procesit të përbashkët të auditit, përputhjes së tij me statutin.”

Komisioni i Rithemelimit të PD diskutoi edhe për zgjerimin e spektrit të organizatave, dhe bashkëpunimit me organizata të tjera, veç atyre partnere, sqaroi lideri historik i PD, Sali Berisha duke përfunduar:

“PD është drejt hapjes së mëtejshme të kësaj force politike. U ngrit grup pune për të hartuar udhëzuesit e ngritjes së degëve të PD në emigracion dhe diasporë. Ishte një mbledhje kushtuar probleme organizative të PD-së.”