Zbardhet vrasja e Artan Cukut, pezullohet gjyqi. Ja çfarë u vendos sot për të kërkuarin Jambelli…

Gjyqi ndaj shtetasit Bledar Jambelli, personi i dyshuar si porositësi dhe urdhëruesi i vrasjes së Kryekomisar Artan Cukut, është pezulluar për një vit. Bledar Jambelli gjykohet në mungesë, ndërsa pezullimi i gjyqit mesohet se është bërë me qëllim njoftimin e të pandehurit. Ai mbanë dhe emrin Rikardo Muho.

Nga hetimet ka rezultuar se Kryekomisar Cuku u vra për shkak të detyrës dhe i dyshuari si atentator është shtetasi Mikel Shallari i cili është në burg për këtë ngjarje.

Dyshohet se Jambelli ka kontraktuar Shallarin dhe e ka paguar për të bërë vrarë Kryekomisar Cukun. Si fillim Jambelli i dha Mikel Shallarit 3 mijë euro. Ndërkohë që pjesa tjetër e parave do t’i jepej pasi të përfundonte punën.

Ndërkohë Bledar Jambelli është shpallur në kërkim ndërkombëtar nga Krimet e Rënda.

“Shtetasi Bledar (Rikardo) Jambelli (Muho) shpallet në kërkim me kartelë të ‘kuqe’, pasi më shkresën nr.3303, datë 17 prill 2018, Prokuroria e Krimeve të Rënda, Tiranë, ka dërguar urdhrin e datës 12
qershor 2017 për ekzekutimin e vendimit nr.292, të datës 12 qershor 2017 të Gjykatës së Krimeve të Rënda, e cila ka caktuar masën e sigurisë ‘arrest me burg’ për veprën penale ‘Vrasje e punonjësit të
policisë së shtetit”, në bashkëpunim, parashikuar nga neni 79/b të Kodit Penal. E ndjek Seksioni për Krimet ndaj Jetës. Të ndalohet.”

Ndryshe, Kryekomisari i ndjerë Cuku, në dhjetor të vitit 2012 ka arrestuar shtetasin Bledar Jambelli për vrasjen e Armando Delajt.