“Zbato planin ose hap krahun”/ Përgjigje, Rama: Një karrocë me kalë…

Pas takimit me Aleatët, Kryetari i Partisë Demokratike, Lulzim Basha, e bëri të qartë se Kryeministri Edi Rama tashmë e ka në tavolinë “Planin për Reformën Zgjedhore të Opozitës së Bashkuar” që është dhe çelësi i zgjidhjes së krizës: Ta zbatojë ose të hap krahun!

Por Kryeministri Edi Rama jo vetëm që nuk do t’ia dinë për një Plan dhe aq më pak për zgjidhjen e krizës, por në delir e sipër e konsideron veten si një tren që shtyp gjithçka që i del para:

“Unë mendoj që nuk është e rëndësishme të harxhojmë kohën e njëri tjetrit dhe të njerëzve me këtë procesin ai tha po ti si thua pastaj do shkoni te ai do i thoni ai tha ashtu. Më mirë merremi me njerëzit me problemet reale. Tërmetet artificiale unë kam në dorë ti krijoj, por jo ti parandaloj. Tërmetet natyrale largqoftë askush nga ne si ndalon dot, ajo që kemi në dorë është të bëjme çfarë kemi në dorë. Keshtuqë është njësoj si një karrocë me kalë ti thotë një treni hap krahun. Mirupafshim”

Por shqiptarët nuk është se janë të pafat pas kësaj deklarate! Të paktën, përderisa Kryeministri i tyre nuk e konsideron veten AVION, atyre vërtetë nuk u ka mbetur vend në tokë, por ata mund të fluturojnë!