Zbulime tronditëse për aferën Rama-McGonigal, Berisha: Komisioni Hetimor do zbuloj pasuritë e McGonigal në Shqipëri

Teksa ishte në foltoren e parlamentit dhe po diskutonte rreth raportit të ERRE dhe Ligjit për Tatimin mbi të ardhurat që ishte gati për miratim, Kryetari i Partisë Demokratike, Sali Berisha, merr lajme mbi zbulimet tronditëse për veprimtarinë e ish-zyrtarit të lartë të FBI, Charles McGonigal dhe lidhjet e tij me Edi Ramën, duke risjellë në vemendjen e ligjvënësve shqiptarë rëndësinë jetike të ngritjes së Komisioni Hetimor Parlamentar në mënyrë që të zbulohen pasuritë e McGonigal në Shqipëri, të cilat i vendosi me Edi Ramën, Dorian Duçkën dhe Agron Nezën.

“Tek po lexoj këtë fjalë para jush, më vijnë lajme se gjykata në New York ka bërë zbulime tronditëse për veprimtarinë e McGonigal, lidhjet e tij me Edi Ramën.

Është vendosur që gjykata të konfiskojë të gjitha pasuritë e McGonigal kudo që ndodhen.

Themi se është jetike komisioni hetimor parlamentar për të zbuluar pasuritë e McGonigal në Shqipëri, të cilat i vendosi me Ramën, Duçkën dhe Nezën.

Afera McGonigal do e ndjekë Ramën deri në ditën e fundit të ekzistencës së tij.

McGonigal ishte një tradhtar i vendit të tij. Në këtë kontekst, një hije e zezë bie mbi të gjithë ju, jo se ju keni afera personale me McGonigal, por se njeriu që ju mbështesni është korruptori dhe skllavi i tij,” tha Lryetari i Partisë Demokratike, Sali Berisha, duke përfunduar:

“Drejtësia amerikane çdo ditë po gjen dhe zbulon fakte të reja. Ne këto do ngremë komision hetimor parlamentar për të zbuluar fakte të reja, me të cilat Edi Rama del fund e krye i inkriminuar.

A mund të imagjinoni ju që Duçka, këshilltari privat i Rramës, të vërë gjoba, të denoncohet dhe të mos lëvizë drejtësia e kontrolluar shqiptare as edhe një gjë më të vogël.

Jeni të zhytur në shkallën më të thellë në këtë aferë.

Ndaj është emergjente ngritja e komisionit për të hetuar aferën Rama-McGonigal.”

Fjala e Kryetarit të PD, Sali Berisha

Të dashur qytetarë dhe qytetare që ndiqni këtë seancë. Zonja e zotërinj deputetë, zonja kryetare.

Kjo seancë kushtuar ujit është një turbullirë e vërtetë. E përdor ujin si një mjet ndëshkimi ndaj qytetarëve. Në aktin e parë ia rritët çmimin me 40%, në një kohë kur Shqipëria në rajon është ndër vendet më të pasura në ujëra, dhe një ndër vendet më të pasura në Europë.

Në ligj dhe në moral, autoritetet e vendit duhet të shkojnë duke ia ulur çmimin gjer në dhënien falas të tij, për shkak të rezervave të pafundme natyrore që ne kemi. Por, ju rritët çmimin me pretekstin se duhet të sigurojmë furnizmin 24 orë. Çfarë ndodhi me rritjen e çmimeve të dashur qytetarë?

Ujësjellësi i Tiranës garanton humbje 62% sipas raportit të këtij Enti Rregullator të ujërave. I Durrësit, në të cilin u investua një kredi shumë e madhe e Bankës Botërore për të garantuar furnizimin me ujë 100%, ka humbje sot 71%.

Pra, ju me lëvizjet që bëtë i dërguat drejt falimentimit të vërtetë këto sipërmarrje të mëdha. Por, në kuadrin e të këqija që mbillni çdo ditë në këtë vend kjo është një e keqe që po harrohet, në kuptimin që sot ju po kaloni këtu në Parlament, një ligj ndëshkues për profesionet e lira. Një ligj, i cili krijon kushte të kalkulueshme për shpopullimin e Shqipërisë.

Zonja dhe zotërinj!

Krijimi i kushteve të kalkueshme për shpopullim në konventën e OKB në nenin 3 të saj, vlerësohet si akt gjenocidal. Dhe ju vazhdoni në serialin e këtyre kushteve. Keni përzënë në 8 vite mbi 35% të shqiptarëve nga trojet, vendi dhe tokat e tyre, dhe nuk jeni të ngopur. Dhe, tani i jepni goditjen fatale edhe shtresës së mesme. Tani shkatërroni edhe këtë shtresë që, ekzistenca e të cilës është jetike, jo vetëm për sistemin, por për një seri shërbimesh për shoqërinë shqiptare. Këto shërbime ju i merrni jashtë, i merrni me avionë personalë me çartera, dhe harroni që qytetarët shqiptarë kanë nevojë jetike për stomatologun, kontabilistin, avokatin, pra për të gjithë ata që quhen profesione të lira. Dhe ju, me një të rënë të lapsit, doni t’i përzini ata nga Shqipëria.

Me zërin tim të protestës, unë dënoj miratimin e këtij ligji si një ligj që krijon kushte të kalkulueshme për largimin e ekspertëve nga Shqipëria dhe de facto shkatërrimin përfundimtar e shtresës së mesme, shtresë që nuk u përshtatet, nuk ndjek politikat tuaja, përkundrazi ajo i denoncon çdo ditë ato.

Por, tek po lexoj këtë fjalë para jush, këtu më vijnë lajme se gjykata në Nju Jork ka bërë zbulime tronditëse për veprimtarinë e McGonigal, lidhjet e tij me Edi Ramën. Është vendosur që gjykata të konfiskojë të gjitha pasuritë e McGonigal kudo që ndodhen. Themi se është jetike komisioni hetimor parlamentar për të zbuluar dhe gjetur të gjitha pasuritë e McGonigal në Shqipëri, të cilat i vendosi me Edi Ramën, Dorian Duçkën dhe Agron Nezën.

Afera McGonigal do ta ndjekë Ramën deri në ditën e fundit të ekzistencës së tij. McGonigal ishte një tradhtar i kombit amerikan, një njeri i korruptuar nga Oleg Deripaska dhe Edi Rama, nga Dorian Duçka dhe Shestakov. Në këtë kontekst, një hije e zezë bie sot mbi të gjithë ju, jo se ju keni afera personale me McGonigal, por se njeriu që ju mbështesni është korruptori dhe njëkohësisht skllavi i tij.

Drejtësia amerikane çdo ditë po gjen dhe zbulon fakte të reja. Ne këto do ngremë komision hetimor parlamentar për të zbuluar dhe gjetur fakte të reja, me të cilat Edi Rama del fund e krye i inkriminuar.

A mund të imagjinoni ju që Duçka, këshilltari privat i Rramës, të vërë gjoba publike nga një restorant në një restorant tjetër, nga një lokal në një lokal tjetër. Të denoncohet dhe të mos lëvizë drejtësia e kontrolluar shqiptare as edhe një gjë më të vogël. Ju mendoni se do shpëtoni në këtë mënyrë. E kam fjalën Edi Ramën me grupin e tij të ngushtë, me ministrat se dhe ata i kanë bërë fresk McGonigal, janë të njohura disa aktivitete. Ku është ky Gjiknuri? Zëdhënësi i interesave ruse, është sekretari juaj i përgjithshëm. Po, zotëri. Është!

Takimet e fshehta që ka bërë në Petersburg, me kompanitë e naftës dhe kompani të tjera ruse, garancitë që ka dhënë janë të pamohueshme, në një kohë që në kongresin amerikan flitste kundër kompanive, në Petersburg firmoste marrëveshje dhe kontrata. Jeni të zhytur në shkallën më të thellë në këtë aferë.

Ndaj edhe, zonja kryetare është emergjente ngritja e komisionit për të hetuar marrëdhëniet korruptive Rama-McGonigal.

Së fundmi, nuk është këtu ai, ministri i familjes. Në 4 ditë, 4 të vrarë me moton: “hengshin kokat e njëri-tjetrit”, “licensë për vrasje”, “rendi në duart e krimit”, “policia nuk ekziston”.

Kjo është siguria, edhe këto janë kushte të kalkulueshme për largimin e shqiptarëve. Dhe kjo është pjesë e platformës së gjenocidit që ushtrohet ndaj qytetarëve shqiptarë. Një kryeministër që sulmon me tërbim mediat me tritol, me dinamit. Është krim-ministër, nuk mund të quhet më kryeministër. Dhe në kulmin e këtyre vrasjeve, prisni kur të deklarojë përsëri se rendi sot është më i mirë se kurrë në histori. Keni humbur përgjegjësinë më minimale, edhe ju që e dëgjoni. Se bëni ju mbledhje, apo nuk iu vjen fare në mbledhje ai ju? Edhe po nuk iu bëri mbledhje, kërkojini mbledhje.