Zbulimi, Science Alert: Truri mbikqyr dhjamin dhe i çon mesazhe organizmit!
Shkencëtarët kan menduar se e kuptojnë se si truri i ndjek nivelet e indeve dhjamore përmes monitorimit të hormoneve që janë të lidhura me yndyrat në qarkullimin tonë të gjakut. Por ekspertët tani kanë zbuluar që në organizmin tonë ekziston një sistem i tërë për dërgimin e mesazheve.
Ka rezultuar se kemi një sistem sensorësh që dërgon mesazhe nga indi ynë dhjamor (adipoza) në trurin tonë.
“Zbulimi i këtyre neuroneve tregon se truri në mënyrë aktive analizon nivelet e indit tonë dhjamor, dhe jo vetëm që e vëzhgon në mënyrë pasive,” tha neuroshkencëtari Li Ye nga Instituti Scripps.
Lufta me peshën
Kuptimi i këtij sistemi një ditë do të ndihmoj njerëzit që vazhdojnë dhe luftojnë me peshën e tyre dhe problemet shëndetësore që ndërlidhen, siç janë, sëmundjet e zemrës dhe diabeti.
Ndonëse shkencëtarët ka kohë që e dinë se indi dhjamor tek gjitarët është përshkuar nga neuronet, këto nerva në modele janë lidhur me sistemin simpatik nervor i cili drejton reagimet automatike, të pavetëdijshme, siç është, përshpejtimi i rrahjes së zemrës.
Simpatikus është aktiv gjatë reagimeve, siç është, frika dhe ankthi, që shpenzojnë sasi të energjisë së organizmit. Sipas rregullit, ai rritë aftësinë e organizmit për përpjekje, e përgatitë për punë të sforcuar dhe rrezik, ndërsa vepron edhe në gjendjen e ndryshimeve emocionale.
Por, ndonëse shkencëtarët ishin në dijeni se këto mesazhe vijnë nga truri deri tek dhjami ynë, nuk ishte shumë i njohur drejtimi i kundërt i dërgimit të informacioneve, shkruan Science Alert.
Për këtë arsye neuroshkencëtarja Yu Wang nga Instituti Scripps dhe kolegët e saj kanë zhvilluar teknika të ndryshme, duke përfshirë metodën e re të inçizimit HYBRiD dhe metodën e manipulimit të qelizave ROOT, në mënyrë që të tejkalojnë vështirësitë praktike për aksesin e neuroneve, thellë në dhjamin e organizmit tonë.
Urdhëron organizmin të djegë dhjamin tonë?
Rezultatet kanë mundësuar që të shihet qartë se si gati gjysma e neuroneve në dhjam nuk lidhet me sistemin simpatik nervor, por me atë të sensorëve. Me ndihmën e ROOT në mënyrë selektive kanë shënjestruar dhe shkatërruar nëngrupe të ndryshme të neuroneve tek minjtë.
Pas humbjes së sinjalit të neuroneve sensor erdhi deri tek shfaqja e nivelit më të lartë të dhjamit tek minjtë, në veçanti të nivelit të indit dhjamor gri. Kafshëve gjithashtu i është rritur temperatura e trupit, që ka dhe kuptim sepse indi dhjamor gri ndihmon organizmin tonë që ti shndërroj dhjamërat tjerë dhe sheqerin në nxehtësi.
Shkencëtarët kanë ardhë në përfundimin se ky sistem i pazbuluar i neuroneve sensor vepron në atë mënyrë që rregullon sinjalet nga sistemi simpatik nervor, duke i urdhëruar organizmit që ta djegë dhjamin tonë.
Studimi me titull The role of somatosensory innervation of adipose tissues është publikuar në revistën Nature. pafrike.al © Të gjitha të drejtat e rezervuara
