Zbulohen dokumente, kompromitojnë kompaninë Uber dhe Presidentin Macron
Mijëra dokumente tregojnë se kompania e transportit Uber i është servilosur liderëve të lartë të politikës duke arritur ti shpëtoj edhe drejtësisë. Dokumentet e zbuluara, raporton BBC, në detaje tregojnë për ndihmën që Uber ka marrë nga liderë europianë si Emmanuel Macron dhe Ish-Komisionerja për Konkurrencë dhe e Dixhitalizim e BE, Neelie Kroes.
Dokumentet tregojnë se ish-shefi i kësaj kompanie transportuese ka urdhëruar përdorimin e “kill switch” në mënyrë që të parandaloj policinë që të ketë qasje në pajisje. Uber thotë se “sjellja e tij nuk ishte në harmoni me vlerat e sotme” dhe se sot janë “tjetër kompani”.
Dokumentet e kompanisë Uber përmbajnë mbi 124.000 shkresa, duke përfshirë 83.000 e-maile dhe 1.000 biseda të regjistruara në periudhën 2013-2017.
Ndryshe, këto të dhëna ka arritur ti siguroj e përditshmja britanike “The Guardian” të cilat i ka darë me Konzorciumin Ndërkombëtar Investigativ të gazetarëve dhe disa organizatave mediatike duke përfshirë BBC Panoramën.
Dokumentet zbulojnë se si me lobimin me vlerë prej 90 milionë dollarë në vit janë rekrutuar politikanë mik që të ndihmojnë në fushatën për të penguar industrinë europiane të taksive.
Deri sa taksistët francez kohë pas kohe organizojnë protesta edhe të dhunshme kundër kompanisë Uber, presidenti aktual Macron ishte në kontakt me shefin e kompanisë Uber, Travis Kalanicki, duke i premtuar se do të reformoj ligjet në të mirë të kompanisë së tij.
Shkresat tregojnë se Komisionerja Kroes ka lobuar në Bruksel për kompaninë Uber duke shkelur dhe Kodin etik të BE. Në atë kohë, Uber nuk ishte vetëm kompania e cila po zhvillohej me shpejtësinë më të madhe por dhe kompania më kontroverse. Kishte procese të shumëta gjyqësore të hapura, akuza për shqetësime seksuale dhe skandale rreth të dhënave. Në fund aksionerët e larguan Travis Kalanick në vitin 2017.
Uber thotë se pasuesi Dara Khosrowshahi “kishte për detyrë të transformoj çdo aktivitet të Uber” dhe se futi “kontrolle të rrepta dhe harmonizim të nevoshëm për aktivitetin e Uber si kompani publike”; Por shkresat implikojnë shumë liderë evropianë!
