Zbulohet edhe halli i Metës, të hënën seancë e posaçme e Parlamentit për…

Askush u nuk e ka vënë dyshim se shkatërruesit e këtij vendi janë Ilir Meta dhe Edi Rama por sot kjo u konfirmua me zë dhe figurë.

Edhe pse miq të vjetër, i pari, aktualisht President, sot u mundua të na dëshmoj se sa i keq është Edi Rama e sa i mirë është ai, duke hedhur një lumë akuzash mbi Kryeministrin. Të gjithë ishin kurioz të dinin se çfarë halli ka Meta aq më shumë, kur një llapaqen si Edi Rama i ishte futur një gjumi të thellë të heshtjes.

Nuk kaloi shumë, dhe ushtria e tij e propagandës filloi të sulmoi Ilir Metën, në krye me Taulant Ballën dhe Spartak Ngjelën por pa dhënë indicie se cila mund të jetë arsyeja e një konference të jashtëzakonshme në mëngjes e Presidentit, me aq akuza!

Pak kohë pas mesditës, shpërndahet lajmi se Parlamenti do të zhvilloj një seancë të posaçme ditën e hënë në datë 8 korrik.

Seanca do të mblidhet në orën 18:00 dhe madje deputetëve të Partisë Socialiste iu është kërkuar të mos mungojnë.

Kjo seancë e posaçme aq sa konferenca e Presidentit sot në mëngjes, nuk mblidhet si zakonisht për çështje madhore por për të votuar ngritjen e Komisionit Hetimor për shkarkimin e Presidentit Ilir Meta.

Ky është shteti rrumpallë të cilin e kanë shndërruar dy miqtë e vjetër që fillimisht shkatërruan Partinë Socialiste, më pas Bashkinë Tiranë, vazhduan me Parlamentin, Sistemin e Drejtësisë, Qeverinë, për ta finalizuar koalicionin e tyre kriminal me Presidencën.