Zbulohet gomonia me dy motorë të fuqishëm, në hetime edhe Guardia

Një gomone me dy motorë të fuqishëm është zbuluar nga policia gjatë natës në bregdetin e Darzezës në Fier.

Gomonia 12 metra e gjatë është gjetur e fshehur në një zonë të këtij bregu. Ajo ishte me dy motorë të fuqishëm prej 300 kuajsh fuqi.

Në vendin e ngjarjes kanë mbërritur edhe patrullat e Guardia di Financa që kanë bërë hetimet e tyre në lidhje me mjetin lundrues.

Nga të dhënat e para, dyshohet se gomonia me dy motorë të fuqishëm prej 300 kuajsh fuqi ka ardhur nga Italia.