Zelensky: Nëse vdes Putin, lufta në Ukrainë nuk do të vazhdoj!

Presidenti i Ukrainës, Volodymyr Zelensky, është i bindur se lufta në Ukrainë do të përfundonte menjëherë nëse Presidenti i Rusisë do të vdiste.

Zelensky, në një emision të veçantë të David Letterman’s, “Mysafiri im i radhës nuk ka nevojë për prezantim”, i cili u filmua në metronë e Kievit, ku kohë pas kohe shoqërohej me zhurmën e trenave, flet edhe për mundësinë se si mund të përfundonte kjo luftë e pakuptimtë!

“Ta imagjinojmë sikur Putin ftohet dhe vdes, ose rastësisht bie nga dritarja dhe vdes, a do të vazhdoj lufta?” ishte pyetja e Letterman’s drejtuar presidentit ukrainas.

“Jo, atëherë nuk do të kishte luftë. Regjimi autoritar është i tmerrshëm. Ekziston rreziku se për çdo gjë mund të vendos një person,” ishte përgjigja e Zelenskyt. 

“Pra, kur ikën Putin, të gjitha institucionet ndalojnë. Diçka e ngjashme ndodhi në Bashkimin Sovjetik. Gjithçka ndaloi. Besoj se do ta kenë të vështirë kur ai të mos jetë më. Ata atëherë do të fokusohen në politikën vendase, dhe jo në politikën e jashtme,” shtoi Zelensky për David Letterman’s, emisioni i të cilit do të transmetohet në Netflix, raporton Ukrainska Pravda. 

Në fund, drejtuesi i emisionit e pyeti Presidentin e Ukrainës, Volodymyr Zelensky, se çfarë plane ka me përfundimin e luftës.

“Do ngelem president deri në fitoren tonë, e më pas nuk e di. Për momentin mendoj vetëm për këtë. Do të doja të shkoj në plazh. Të jem i sinqertë, David, vetëm dua të shkoj në plazh kur ta fitojmë luftën. Dhe, sinqerisht do të doja ta pijë një birrë,” tha Zelensky.