Zelenskyy: Ushtria u tërhoq nga Avdijivki për të shpëtuar qytetarët e Ukrainës!

Presidenti i Ukrainës, Volodymyr Zelenskyy tha se ushtria e tij u tërhoq nga Avdijivki që të ruaj jetët e ukrainasve.

“Ishte një vendim i profesionistëve që të shpëtojnë sa më shumë jetë ukrainase,” tha Zelenskyy në Konferencën e Sigurisë në Munich duke tërhequr vërejtjen se mungesa e armëve me të cilën po përballet Kievi po e forcon Presidentin rus Putin.

“Mos e pyesni Ukrainën se kur do të përfundoj lufta. Pyetni veten tuaj pse Putin është në gjendje ta vazhdoj!”

Në fund, vdekjen e liderit opozitar rus Aleksei Navalny në burg e cilësoi mesazh të Putinit për Perëndimin, pikërisht në kohën kur po zhvillohet Konferenca e Sigurisë në Munich ndërsa përfundoi:

“Duhet të ndërmarrim jo diçka, por gjithçka që ta mposhtim Putinin!”.